ഉദുമ: ഉദുമ ടൗണില്‍ റോഡ് പൊട്ടിപ്പൊളിഞ്ഞ് ചളിക്കുളമായി. യാത്രക്കാര്‍ക്ക് അപകടകരമാം വിധം ചളിക്കുണ്ടുകളും ഗട്ടറുകളും നിറഞ്ഞ റോഡില്‍ സ്‌കൂള്‍ കുട്ടികളടക്കം ദിവസം നൂറുകണക്കിന് ആളുകളാണ് സഞ്ചരിക്കുന്നത്. മഴ പെയ്തതോടെ റോഡിലെ കുഴികളിലും ഗട്ടറുകളിലും വെള്ളം നിറഞ്ഞ് ചളികുണ്ടുകളായ് മാറിയിട്ടുണ്ട്. രാത്രി കാലങ്ങളിലുള്ള യാത്ര അതീവ ദുഷ്‌കരവും അപകടവുമായിരിക്കുകയാണ്.
ഇരുചക്രവാഹനങ്ങളുള്‍പ്പെടെ നിരവധി വാഹനങ്ങള്‍ക്ക് കേട് പാടുകള്‍ സംഭവിക്കുകയും കാല്‍ നടയാത്രക്കാര്‍ക്ക് പോലും ഭീഷണിയാവുന്ന തരത്തിലാണ് റോഡിന്റെ അവസ്ഥ.  സ്‌കൂള്‍ ബസുകളും പ്രൈവറ്റ് ബസുകളുമടക്കം നിരവധി വാഹനങ്ങള്‍ കടന്ന് പോകുന്ന റോഡിന്റെ ശോചനീയാവസ്ഥ പരിഹരിക്കുന്നതില്‍ നിന്നും അധികാരികള്‍ വിട്ടുനില്‍ക്കുന്നത് ജനങ്ങള്‍ക്കിടയില്‍ അമര്‍ഷമുയര്‍ന്നിരിക്കുകയാണ്.