ദുബൈ: ലോക ഫിസിയോ തെറാപ്പി ദിനത്തോടനുബന്ധിച്ച് ദുബൈ പൊലിസ് അൽ മുറഖബാത്ത് സെന്ററിൽ മെഡിക്കൽ എക്സിബിഷൻ സംഘടിപ്പിച്ചു. ദുബൈ പൊലിസ് ജനറൽ കമാൻഡ് ജനറൽ അഡ്‌മിനി സ്ട്രേറ്റിവ് അഫയേഴ്‌സിലെ റീ ഹാബിലിറ്റേഷൻ ആൻഡ് എൻ ഹാൻസ്മെന്റ് സെന്ററാണ് പരിപാടി ഒരുക്കിയത്. പൊലിസ് ജീവനക്കാർക്കുള്ള മെഡിക്കൽ പരിശോധനകളും കൺസൾട്ടേഷനുകളും ഉൾപ്പെടുന്ന മെഡിക്കൽ പ്രദർനമായിരുന്നു ഇത്. 

അൽ മുറഖബാത്ത് പൊലിസ് സ്‌‌റ്റേഷൻ അഡ്മ‌ിനിസ്ട്രേറ്റിവ് അഫയേഴ്സ‌് ഡിപാർട്ട്മെന്റ്റ് ഡയരക്ടർ ലഫ്റ്റനൻ്റ് കേണൽ ഡോ. സുൽത്താൻ അൽ ഷംസിയുടെ സാന്നിധ്യത്തിൽ റിഹാബിലിറ്റേഷൻ ആൻ്റ് പ്രിപേഡ്‌നെസ് സെൻ്റർ ഡയരക്ടർ കേണൽ അബ്ദുൽ അസിം കാംകർ ഉദ്ഘാടനം ചെയ്തു.പുനരധിവാസ കേന്ദ്രത്തിലെ ഫിസിയോ തെറാപ്പി വിഭാഗം മേധാവി ഫാത്തിമ അഹമ്മദ് അൽ ലിൻജാവി, പൊലിസുദ്യോഗസ്ഥർ, ജീവനക്കാർ സംബന്ധിച്ചു.
 
പൊതുജനാരോഗ്യവും സുരക്ഷയും വർധിപ്പിക്കുന്നതിന് സഹായിക്കുന്ന അന്താരാഷ്ട്ര ദിനങ്ങളിൽ, വൈദ്യ മേഖലയുമായി ബന്ധപ്പെട്ട പരിപാടികളിൽ വിശേഷിച്ചും, ഇത്തരം പ്രോഗ്രാമുകൾ ഏറെ ജനോപകാരപ്രദമാണെന്ന് കേണൽ അബ്ദുൽ അസിം പറഞ്ഞു. ഫിസിക്കൽ തെറാപിയുടെ പ്രാധാന്യത്തെ കുറിച്ച് ജീവനക്കാരെ ബോധവത്‌കരിക്കുന്നതിനൊപ്പം, ഓഫിസ്, ഫീൽഡ് ജോലികൾ നിർവഹിക്കാനുള്ള ജീവനക്കാരുടെ ആരോഗ്യ സന്നദ്ധത ഉറപ്പാക്കുന്നതിൽ പൊലിസിന്റെ ലക്ഷ്യങ്ങളെ ശക്തിപ്പെടുത്തുന്നതു കൂടിയാണ് എക്സിബിഷനും മെഡിക്കൽ പരിശോധനകളും കൺസൾ ട്ടേഷനുകളുമെന്നും അദ്ദേഹം വ്യക്തമാക്കി.

 ഡോക്ടർ ന്യൂട്രീഷൻ, ബേസൽ സ്റ്റലിന്റ്റ് എന്നിങ്ങനെയു ള്ള കമ്പനികൾക്ക് പുറമേ നിരവധി മെഡിക്കൽ സ്ഥാപനങ്ങളും എക്സിബിഷനിൽ പങ്കെടുത്തു. ജീവനക്കാർക്ക് പ്രത്യേക ഓഫറുകളും വിവിധ കിഴിവുകളും ലഭ്യമാക്കിയിരുന്നു. പൊതുജനാരോഗ്യവും സുരക്ഷയും നിലനിർത്തുന്നതിന് സംഭാവന ചെയ്യുന്ന ആരോഗ്യകരമായ ഭക്ഷണങ്ങളെക്കുറിച്ചും പോഷക സപ്ലിമെന്റുകളെക്കുറിച്ചും ജീവനക്കാർക്ക് അവബോധം നൽകി.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക