കോഴിക്കോട്:  എഴുപതു വയസ്സു കഴിഞ്ഞവര്‍ക്ക് അഞ്ചുലക്ഷം രൂപയുടെ ആരോഗ്യ ഇന്‍ഷുറന്‍സ് പരിരക്ഷ സൗജന്യമായി നല്‍കുന്നതിനുള്ള കേന്ദ്രസര്‍ക്കാരിന്റെ ആയുഷ്മാന്‍ ഭാരത് പദ്ധതിയിലേക്ക് തിങ്കളാഴ്ച മുതല്‍ രജിസ്റ്റര്‍ ചെയ്യാം.

ഔദ്യോഗിക പ്രഖ്യാപനം ഉടനുണ്ടാകും. ഡിജിറ്റല്‍സേവ പൊതുസേവന കേന്ദ്രങ്ങള്‍ (സി.എസ്.സി.) വഴിയും അക്ഷയകേന്ദ്രങ്ങള്‍വഴിയും രജിസ്‌ട്രേഷന്‍ സാധ്യമായേക്കും. 

ആയുഷ്മാന്‍ ഭാരതിനെ സംസ്ഥാന സര്‍ക്കാരിന്റെ കാരുണ്യ ആരോഗ്യ ഇന്‍ഷുറന്‍സ് പദ്ധതിയില്‍ (കാസ്പ്) ലയിപ്പിച്ചാണു നടപ്പാക്കുന്നത്. സംസ്ഥാനം 1000 കോടിരൂപ ചെലവഴിക്കുമ്പോള്‍ 151 കോടി രൂപയാണ് കേന്ദ്രം അനുവദിക്കുക.

അര്‍ഹതയുണ്ടോ എന്നറിയാന്‍

1.https://pmjay.gov.in/ വെബ്‌സൈറ്റ് സന്ദര്‍ശിക്കുക.
2. ''Am I Eligible'' എന്ന സെക്ഷന്‍ തിരഞ്ഞെടുക്കുക.
3. മൊബൈല്‍ നമ്പറും കോഡും നല്‍കുക.
4. ഒ.ടി.പി. വെരിഫിക്കേഷന്‍ നടത്തുക.
5. ആവശ്യമായ വിവരങ്ങള്‍ നല്‍കിയശേഷം 'സബ്മിറ്റ്' ചെയ്യാം.

aayushman bharath registration