തൃശൂര്‍: ചരിത്രകാരന്‍ വേലായുധന്‍ പണിക്കശ്ശേരി (90) അന്തരിച്ചു. 1934 മാര്‍ച്ച് 30ന് ഏങ്ങണ്ടിയൂര്‍ പണിക്കശ്ശേരി മാമുവിന്റെയും പനയ്ക്കല്‍ കാളിക്കുട്ടിയുടെയും മകനായാണ് ജനനം. ചരിത്രഗവേഷണം, ജീവചരിത്രം, ബാലസാഹിത്യം, ഫോക് ലോര്‍ തുടങ്ങിയ വിഭാഗങ്ങളിലായി 60ലേറെ ഗ്രന്ഥങ്ങള്‍ പ്രസിദ്ധീകരിച്ചിട്ടുണ്ട്. സംസ്ഥാനത്തെ വിവിധ സര്‍വകലാശാലകളില്‍ വേലായുധന്‍ പണിക്കശ്ശേരിയുടെ ചരിത്രഗ്രന്ഥങ്ങള്‍ പാഠപുസ്തകങ്ങളാണ്. കൃതികളില്‍ ചിലത് തമിഴ്, ഹിന്ദി ഭാഷകളിലേക്ക് വിവര്‍ത്തനം ചെയ്തിട്ടുണ്ട്.