കുവൈത്ത് സിറ്റി:കുവൈത്തിലെ പ്രവാസികളുടെ ഡ്രൈവിംഗ് ലൈസൻസ് കാലാവധി മൂന്ന് വർഷത്തേക്കാക്കി നീട്ടിയതായി പ്രാദേശിക മാധ്യമങ്ങളാണ് റിപ്പോർട്ട്.

നിയമപരമായി പുതിയ ഡ്രൈവിംഗ് ലൈസൻസ്, അല്ലെങ്കിൽ പുതുക്കിയ ഡ്രൈവിംഗ് ലൈസൻസ് അനുവദിക്കപ്പെടുന്ന പ്രവാസികളുടെ ഡ്രൈവിംഗ് ലൈസൻസ് കാലാവധി ഒരു വർഷത്തിൽ നിന്ന് മൂന്ന് വർഷത്തേക്കാക്കി നീട്ടിയതായി കുവൈത്ത് ജനറൽ ട്രാഫിക് വകുപ്പ് സ്രോതസ്സുകളെ ഉദ്ധരിച്ചാണ് മാധ്യമങ്ങൾ റിപ്പോർട്ട് പുറത്തുവിട്ടിരിക്കുന്നത്.

ഇത്തരം ലൈസൻസുകൾ ‘കുവൈത്ത് മൊബൈൽ ഐ ഡി’ ആപ്പിലൂടെ മാത്രം ഉപയോഗിക്കണം എന്ന വ്യവസ്ഥയോടെയാണ് ഈ തീരുമാനം നടപ്പിലാക്കുന്നതെന്നാണ് റിപ്പോർട്ടുകൾ പറയുന്നത്.

കുവൈത്തിലെ പ്രവാസികളുടെ ഡ്രൈവിംഗ് ലൈസൻസ് ഓൺലൈനിൽ പുതുക്കുന്നതിന്റെ സാധുത ഒരു വർഷമാക്കുന്നതിന് അധികൃതർ കഴിഞ്ഞ വർഷം മെയ് മാസത്തിൽ തീരുമാനമെടുത്തിരുന്നു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക