തേഞ്ഞിപ്പലം: റോഡ് അരികില്‍ നിര്‍ത്തിയിട്ട വാഹനം ഡ്രൈവറില്ലാതെ മുന്നോട്ട് നീങ്ങി സമീപത്തെ കടയിലേക്ക് ഇടിച്ചുകയറി. കഴിഞ്ഞ ദിവസം രാത്രി ദേശീയപാത താഴെചേളാരി അങ്ങാടിയിലാണ് സംഭവം. റസ്‌ക് സെയില്‍ ചെയ്യാനുപയോഗിക്കുന്ന ഗുഡ്‌സ് വാനാണ് അപകടത്തില്‍ പെട്ടത്. താഴെ ചേളാരി ഇറക്കത്തില്‍ വാഹനം നിറുത്തി ഡ്രൈവര്‍ പുറത്തിറങ്ങി അല്‍പസമയത്തിന് ശേഷം വാഹനത്തിന്റെ ഹാന്റ് ബ്രേക്ക് ഒഴിവായി താനെ മുന്നോട്ട് പോകുകയായിരുന്നു. ആ സമയം മറ്റു വാഹനങ്ങള്‍ വരാത്തതിനാല്‍ ദുരന്തം വഴിമാറി. സമീപത്തെ കടയിലേക്ക് ഇടിച്ചുകയറിയ വാഹനം കടയ്ക്ക് മുന്നില്‍ വില്‍പ്പനയ്ക്ക് വച്ച അമ്മിക്കല്ലുകളില്‍ തട്ടി നിന്നതിനാല്‍ മറ്റു വില്‍പ്പന വസ്തുക്കള്‍ കേടുപാടുകള്‍ സംഭവിക്കാതെ രക്ഷപ്പെട്ടു. അതേ സമയം വാഹനം അശ്രദ്ധയോടെ ഇറക്കത്തില്‍  നിറുത്തിയത് പ്രതിഷേധത്തിനിടയാക്കി.