വണ്ടൂര്‍: ഷെല്‍ട്ടര്‍ ചാരിറ്റബിള്‍ സൊസൈറ്റിയുടെ കീഴില്‍ പോരൂര്‍ പഞ്ചായത്ത് പാടശേഖരത്ത് ജൈവനെല്‍കൃഷിക്ക് തുടക്കം. പഞ്ചായത്ത് പ്രസിഡന്റ് എന്‍.എസ് അര്‍ച്ചന ഉദ്ഘാടനം ചെയ്തു. ജില്ലയിലെ വിരമിച്ച അധ്യാപകരുടെ നേതൃത്വത്തിലുള്ള സൊസൈറ്റിയാണ് ഷെല്‍ട്ടര്‍. നെല്‍കൃഷി പ്രോത്സാഹിപ്പിക്കുന്നതിന്റെ ഭാഗമായി ജില്ലയുടെ വിവിധ ഭാഗങ്ങളില്‍ കൃഷിയിറക്കുന്നുണ്ട്. ഇതിന്റെ ഭാഗമായാണ് പോരൂരിലെ ഒരു ഹെക്ടര്‍ സ്ഥലത്ത് കൃഷിയിറക്കിയത്. സൊസൈറ്റി ജില്ലാ സെക്രട്ടറി എം.കെ ശ്രീധരന്‍ അധ്യക്ഷനായി. പി പരമേശ്വരന്‍, പി ശശികുമാര്‍, ജെ ക്ലീറ്റസ്, യു.സി നന്ദകുമാര്‍, ഇ ഉണ്ണികൃഷ്ണന്‍ നമ്പൂതിരി, എന്‍ കാര്‍വര്‍ണ്ണന്‍, കെ രവികുമാര്‍ സംബന്ധിച്ചു.