ശ്രീകണ്ഠപുരം: ചെങ്ങളായി കോട്ടപറമ്പില്‍ ഇന്നലെയുണ്ടായ കാറ്റിലും മഴയിലും വീട് തകര്‍ന്നു വീട്ടമ്മയ്ക്കു പരുക്കേറ്റു. കോട്ടപറമ്പിലെ ആരംഭന്‍ ബാലകൃഷ്ണന്റെ  വീടാണ് തകര്‍ന്നത്. ഭാര്യ സുജാത(45)യ്ക്കാണു പരുക്കേറ്റത്. ഇവരെ തളിപ്പറമ്പ് സഹകരണാശുപത്രിയില്‍ പ്രവേശിപ്പിച്ചു. ഇന്നലെ രാവിലെ ഏഴോടെ ചുമരില്‍ വിള്ളല്‍ വീഴുകയും പത്തോടെ മേല്‍ക്കൂരയുള്‍പ്പെടെ തകര്‍ന്നു വീഴുകയുമായിരുന്നു. നിര്‍ധനും പട്ടികജാതിക്കാരനുമായ ബാലകൃഷണന്‍ ഭവനനിര്‍മാണത്തിനായി സഹായമഭ്യര്‍ഥിച്ചിരുന്നു. പട്ടികജാതി വകുപ്പില്‍ നിന്നു തുക പാസായെങ്കിലും ലഭിച്ചിരുന്നില്ല . ഇതിനിടെയാണ് വീട് നിലം പൊത്തിയത്. അഞ്ചു ലക്ഷം രൂപയുടെ നഷ്ടം കണക്കാക്കുന്നു.