ഇരിട്ടി: ആയിരക്കണക്കിനു തേങ്ങകള്‍ സൂക്ഷിച്ച കൂടയും കൊപ്ര ഡ്രയറില്‍ ഉണങ്ങാനിട്ട കൊപ്രയും കത്തി നശിച്ചു. വട്ട്യറ എരുമത്തടത്തിലെ ഡോ.ചാള്‍സിന്റെ വീടിനോടു ചേര്‍ന്ന തേങ്ങാക്കൂടയും ഡ്രയറുമാണു കഴിഞ്ഞ ദിവസം രാത്രി കത്തി നശിച്ചത്.
വലിയ തെങ്ങിന്‍തോപ്പില്‍ വീട്ടില്‍ നിന്നു അല്‍പ്പം മാറിയാണു കൂടയും ഡ്രയറും സ്ഥിതി ചെയ്യുന്നത്. ആയിര കണക്കിന് ഉണക്കിയ തേങ്ങകള്‍ ഇതില്‍ കൂട്ടിയിട്ടിരുന്നു. ഇതിനോടു ചേര്‍ന്നാണു കൊപ്ര ഡ്രയര്‍ നിര്‍മിച്ചിരിക്കുന്നത്.
മഴക്കാലമായതിനാല്‍ ഡ്രയറില്‍ ഉണക്കാനിട്ട നാലായിരത്തോളം തേങ്ങയുടെ കൊപ്രയും ഇവിടെ ഉണ്ടണ്ടായിരുന്നു. ഇരിട്ടിയില്‍ നിന്നുമെത്തിയ അഗ്നിശമനസേന ഒരു മണിക്കൂര്‍ പണിപ്പെട്ടാണ് തീ അണച്ചത്.
ഏകദേശം ഒരു ലക്ഷത്തിന്റെ നഷ്ടം കണക്കാക്കുന്നു.