ദുബൈ: യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം ചരിത്രത്തിലെ ഏറ്റവും വലിയ ബജറ്റിന് അംഗീകാരം നല്‍കി. ദുബൈ 2025 മുതല്‍ 2027 വരെ 302 ബില്യന്‍ ദിര്‍ഹം വരുമാനം നേടുമെന്നും 272 ബില്യന്‍ ദിര്‍ഹം ചെലവിന് അനുവദിക്കുമെന്നും പ്രതീക്ഷിക്കുന്നു. മാത്രമല്ല ഇതാദ്യമായാണ് 21 ശതമാനം പ്രവര്‍ത്തന മിച്ചം കൈവരിക്കുമെന്നും ഷെയ്ഖ് മുഹമ്മദ് പറഞ്ഞു.

സാമ്പത്തിക സ്ഥിരത സൃഷ്ടിക്കുകയാണ് ദുബൈ സര്‍ക്കാരിന്റെ ലക്ഷ്യം. പൊതുസ്വകാര്യ മേഖലകള്‍ തമ്മിലുള്ള പങ്കാളിത്തത്തിനായി 40 ബില്യണ്‍ ദിര്‍ഹം മൂല്യമുള്ള ഒരു പോര്‍ട്ട്‌ഫോളിയോ  ഈ വര്‍ഷം ആരംഭിച്ചു. അതേസമയം അടുത്ത വര്‍ഷത്തെ ബജറ്റിന്റെ 46 ശതമാനവും പുതിയ വിമാനത്താവളത്തിന്റെ നിര്‍മാണം കൂടാതെ റോഡുകള്‍, പാലങ്ങള്‍, ഊര്‍ജം, ഓവുചാല്‍ ശൃംഖലകള്‍ തുടങ്ങിയവയുള്‍പ്പെടെയുള്ള അടിസ്ഥാന സൗകര്യ പദ്ധതികള്‍ക്കായി നീക്കിവച്ചിട്ടുണ്ട്.

ബജറ്റിന്റെ മുപ്പത് ശതമാനം ആരോഗ്യം, വിദ്യാഭ്യാസം, സാമൂഹിക വികസനം, പാര്‍പ്പിടം, മറ്റ് സാമൂഹിക സേവനങ്ങള്‍ എന്നിവയ്ക്കായി അനുവദിക്കും. 90 ബില്യന്‍ ദിര്‍ഹമാണ് ഈ വര്‍ഷത്തെ വരുമാനം. ഈ മാസം ആദ്യം യുഎഇ മന്ത്രിസഭ 2025 ലെ ഫെഡറല്‍ ബജറ്റ് 71.5 ബില്യന്‍ ദിര്‍ഹത്തിന് അംഗീകാരം നല്‍കിയിരുന്നു, രാജ്യത്തിന്റെ ചരിത്രത്തിലെ ഏറ്റവും വലിയ ബജറ്റ് കൂടിയാണ് ഇത്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The United Arab Emirates (UAE) has witnessed significant economic growth, with government initiatives driving development across various sectors. For the latest information on UAE's budget and economic developments, I recommend checking reputable news sources or official government websites.