ഷിംല: ഉത്തരാഖണ്ഡില്‍ ബസ് കൊക്കയിലേക്ക് മറിഞ്ഞ് 36 മരണം. അല്‍മോറ ജില്ലയില്‍ തിങ്കളാഴ്ചയാണ് അപകടമുണ്ടായത്. 45 പേര്‍ക്ക് ഇരിക്കാവുന്ന ബസ് നിയന്ത്രണം വിട്ട് 200 അടി താഴ്ചയുള്ള കൊക്കയിലേക്കാണ് മറിഞ്ഞത്. 

ഇന്ന് പുലര്‍ച്ചെയായിരുന്നു അപകടം. ഗര്‍വാലില്‍ നിന്ന് കുമയൂണിലേക്ക് പോയ ബസ് മാര്‍ച്ചുല ഗ്രാമത്തില്‍ വെച്ചാണ് അപകടത്തില്‍പ്പെടുന്നത്. 

 ദേശീയ ദുരന്ത നിവാരണ സേനയും (എന്‍ഡിആര്‍എഫ്) സംസ്ഥാന ദുരന്ത നിവാരണ സേനയും (എസ്ഡിആര്‍എഫ്) പൊലീസും മാര്‍ച്ചുളയിലെ സാള്‍ട്ട് ഏരിയയിലെ അപകട സ്ഥലത്ത് രക്ഷാപ്രവര്‍ത്തനം തുടരുകയാണ്. 

അപകടത്തിനിടെ ബസില്‍ നിന്ന് തെറിച്ചുവീണ യാത്രക്കാരാണ് രാവിലെ ഒമ്പത് മണിയോടെ അപകട വിവരം അധികൃതരെ അറിയിച്ചത്. ഉത്തരാഖണ്ഡ് മുഖ്യമന്ത്രി പുഷ്‌കര്‍ സിംഗ് ധാമി ദുരന്തനിവാരണ സെക്രട്ടറി, കുമയൂണ്‍ ഡിവിഷന്‍ കമ്മീഷണര്‍, അല്‍മോറ ജില്ലാ മജിസ്‌ട്രേറ്റ് എന്നിവരുമായി സംസാരിക്കുകയും ബസ് അപകടത്തെക്കുറിച്ച് വിലയിരുത്തുകയും ചെയ്തു.

രക്ഷാപ്രവര്‍ത്തനം വേഗത്തിലാക്കാനും അദ്ദേഹം നിര്‍ദ്ദേശം നല്‍കിയതായി വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു. അപകടത്തില്‍ ഉത്തരാഖണ്ഡ് സര്‍ക്കാര്‍ മജിസ്റ്റീരിയല്‍ തല അന്വേഷണം പ്രഖ്യാപിച്ചു. മരിച്ചവരുടെ കുടുംബത്തിന് നാല് ലക്ഷവും പരിക്കേറ്റവര്‍ക്ക് ഒരു ലക്ഷം രൂപയും ധനസഹായവും നല്‍കും.

A tragic bus accident in Almora district, Uttarakhand, has resulted in the death of 36 individuals. The incident occurred early on Monday when a bus, which had a capacity of 45 passengers, lost control and rolled down a 200-foot gorge while traveling from Garhwal to Kumaon.