തിരുവനന്തപുരം: കുരിശുമലയുടെ വജ്രജൂബിലി ആഘോഷങ്ങളുടെ ഭാഗമായി നെയ്യാറ്റിന്‍കര ഇന്റഗ്രല്‍ ഡവലപ്‌മെന്റ് സൊസൈറ്റി ഉണ്ടന്‍കോട് മേഖലയുടെ നേതൃത്വത്തില്‍ 'ചിങ്ങപ്പുലരി' കര്‍ഷക സംഗമവും സെമിനാറും നടന്നു. ജൈവ കൃഷിയിലൂടെ ഭക്ഷ്യസുരക്ഷ എന്ന വിഷയത്തെ ആസ്പദമാക്കി കൃഷി ഓഫീസര്‍  ആര്‍.എഫ്.രമ്യ സെമിനാര്‍ നടത്തി. തുടര്‍ന്ന് നിഡ്‌സ് ഉണ്ടന്‍കോട് മേഖല കോ ഓര്‍ഡിനേറ്റര്‍ റവ.ഫാ.ഷാജി ഡി.സാവിയോയുടെ അധ്യക്ഷതയില്‍ നടന്ന പൊതുയോഗം വെള്ളറട ഗ്രാമപഞ്ചായത്ത് പ്രസിഡന്റ് ശോഭകുമാരി ഉദ്ഘാടനം ചെയ്തു. കുരിശുമല ഡയറക്ടര്‍ റവ.ഡോ.വിന്‍സെന്റ് കെ.പീറ്റര്‍ അസി.ഡയറക്ടര്‍ റവ.ഫാ.സാജന്‍ ആന്റണി എന്നിവര്‍ സംസാരിച്ചു.
തുടര്‍ന്ന് ജൈവകൃഷിയില്‍ മികച്ച വിജയം നേടിയ ഇരുന്നൂറോളം കര്‍ഷകരെയും സ്‌കൂള്‍ കുട്ടികളെയും പൊന്നാടയണിയിച്ച് ആദരിക്കുകയും ക്യാഷ് അവാര്‍ഡ് നല്‍കുകയും ചെയ്തു.