തിരുവനന്തപുരം ആക്കുളത്ത് പ്രവര്‍ത്തിക്കുന്ന കേന്ദ്ര സര്‍ക്കാര്‍ സ്ഥാപനമായ നാഷണല്‍ സെന്റര്‍ ഫോര്‍ എര്‍ത്ത് സയന്‍സ് സ്റ്റഡീസില്‍ കരാര്‍ നിയമനം. വിവിധ തസ്തികകളിലാണ് ജോലിക്കാരെ നിയമിക്കുന്നത്. ആകെ 24 ഒഴിവുകളുണ്ട്. ഉദ്യോഗാര്‍ഥികള്‍ക്ക് നവംബര്‍ 14 വരെ അപേക്ഷിക്കാം. 

തസ്തിക & ഒഴിവ്

നാഷണല്‍ സെന്റര്‍ ഫോര്‍ എര്‍ത്ത് സയന്‍സ് സ്റ്റഡീസില്‍ ഫീല്‍ഡ് അസിസ്റ്റന്റ്, ലബോറട്ടറി അസിസ്റ്റന്റ്, ടെക്‌നിക്കല്‍ അസിസ്റ്റന്റ്, പ്രോജക്ട് അസോസിയേറ്റ്, പ്രോജക്ട് സയന്റിസ്റ്റ്, സീനിയര്‍ പ്രോജക്ട് അസോസിയേറ്റ് തുടങ്ങിയ പോസ്റ്റുകളിലാണ് നിയമനം. ആകെ 24 ഒഴിവുകള്‍. കരാര്‍ അടിസ്ഥാനത്തില്‍ ഒരു വര്‍ഷത്തേക്കാണ് നിയമനം നടക്കുക. 

ശമ്പളം

ഫീല്‍ഡ് അസിസ്റ്റന്റ്, ലബോറട്ടറി അസിസ്റ്റന്റ്, ടെക്‌നിക്കല്‍ അസിസ്റ്റന്റ് തസ്തികകളില്‍ പ്രതിമാസം 20,000 രൂപയും, എച്ച്.ആര്‍.എയും ലഭിക്കും. 

പ്രോജക്ട് അസോസിയേറ്റ്, പ്രോജക്ട് സയന്റിസ്റ്റ്, സീനിയര്‍ പ്രോജക്ട് അസോസിയേറ്റ് തസ്തികകളില്‍ 31,000 രൂപ മുതല്‍ 67,000 രൂപ വരെയാണ് ശമ്പളം ലഭിക്കുക. 

യോഗ്യത, തിരഞ്ഞെടുപ്പ്, പ്രായപരിധി, സംവരണ മാനദണ്ഡങ്ങള്‍ തുടങ്ങി കൂടുതല്‍ വിവരങ്ങള്‍ക്ക് www.ncess.gov.in സന്ദര്‍ശിക്കുക. ഓണ്‍ലൈന്‍ അപേക്ഷ നവംബര്‍ 14ന് വൈകീട്ട് അഞ്ചുമണി വരെ സ്വീകരിക്കും.

National Center for Earth Sciences Opportunity in various Assistant and Associate posts

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

സര്‍ക്കാര്‍ സ്ഥാപനമായ കേരള സ്റ്റേറ്റ് സെന്റര്‍ ഫോര്‍ അഡ്വാന്‍സ്ഡ് പ്രിന്റിങ് ആന്റ് ട്രെയിനിങ്ങിന്റെ (സി-ആപ്റ്റ്) തിരുവനന്തപുരത്തുള്ള ട്രെയിനിങ് ഡിവിഷനില്‍ ആരംഭിക്കുന്ന ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ് വെയര്‍ ആന്റ് നെറ്റ് വര്‍ക്കിങ്, ഡിപ്ലോമ ഇന്‍ മള്‍ട്ടി മീഡിയ, ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ് എന്നീ അംഗീകൃത തൊഴിലധിഷ്ഠിത കോഴ്‌സുകളിലേക്ക് പ്രവേശനം ആരംഭിച്ചു. 

പട്ടിക ജാതി/ പട്ടിക വര്‍ഗ/ മറ്റര്‍ഹ വിദ്യാര്‍ഥികള്‍ക്ക് നിയമാനുസൃത ഫീസ് സൗജന്യമായിരിക്കും. കോഴ്‌സ് കാലയളവില്‍ സ്‌റ്റൈപ്പന്റും ലഭിക്കും. 

ഒബിസി/ എസ്.ഇ.ബി.സി / മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നില്‍ക്കുന്ന വിദ്യാര്‍ഥികള്‍ക്ക് വരുമാന പരിധിക്ക് വിധേയമായി ഫീസ് സൗജന്യമായിരിക്കും. 

അപേക്ഷകര്‍ സി-ആപ്റ്റിന്റെ തിരുവനന്തപുരം പടിഞ്ഞാറേ കോട്ടയിലെ സിറ്റി സെന്ററില്‍ ഹാജരാകണം. ഫോണ്‍: 0471 2474720, 2467728.

കരിയര്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക