ദോഹ: ഖത്തറില്‍ മന്ത്രിസഭ പുന:സംഘടിപ്പിച്ചുകൊണ്ട് അമീര്‍ ശൈഖ് തമീം ബിന്‍ ഹമദ് ആല്‍ഥാനി ഉത്തരവിറക്കി. പൊതുജനാരോഗ്യം, വിദ്യാഭ്യാസം, ഉന്നത വിദ്യഭ്യാസം, ഗതാഗതം, വാണിജ്യ-വ്യവസായം തുടങ്ങിയ സുപ്രധാന മന്ത്രാലയങ്ങളാണ് പുന:സംഘടിപ്പിച്ചത്. നിലവിലെ അമിരി ദിവാന്‍ ചീഫ് ശൈഖ് സൗദ് ബിന്‍ അബ്ദുല്‍റഹ്മാന്‍ ആല്‍ഥാനിയെ പുതിയ ഉപപ്രധാനമന്ത്രിയും പ്രതിരോധ സഹമന്ത്രിയുമായി നിയമിച്ചു.

ലുല്‍വ ബിന്‍ത് റാഷിദ് അല്‍ ഖാതിറിനെ വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രി പദവിയില്‍ നിന്നു മാറ്റി പുതിയ വിദ്യാഭ്യാസ, ഉന്നത വിദ്യഭ്യാസ മന്ത്രിയായി നിയമിച്ചു. പൊതുജനാരോഗ്യ മന്ത്രിയായിരുന്ന ഡോ. ഹനാന്‍ മുഹമ്മദ് അല്‍ കുവാരിയെ മാറ്റി ഖത്തര്‍ ഇന്‍വെസ്റ്റ്‌മെന്റ് അതോറിറ്റി (ക്യൂ.ഐ.എ) സി.ഇ.ഒ ആയ മന്‍സൂര്‍ ബിന്‍ ഇബ്രാഹിം അല്‍ മഹ്മൂദിനെ നിയമിച്ചു.

പുതിയ മന്ത്രിമാരും വകുപ്പുകളും 

ശൈഖ് സൗദ് ബിന്‍ അബ്ദുല്‍റഹ്മാന്‍ ആല്‍ഥാനി (ഉപപ്രധാനമന്ത്രി, പ്രതിരോധ സഹമന്ത്രി) 

ശൈഖ് മുഹമ്മദ് ബിന്‍ അബ്ദുല്ല ബിന്‍ മുഹമ്മദ് ആല്‍ഥാനി (ഗതാഗത മന്ത്രി)

ശൈഖ് ഫൈസല്‍ ബിന്‍ ഥാനി ബിന്‍ ഫൈസല്‍ ആല്‍ഥാനി (വാണിജ്യ, വ്യവസായ മന്ത്രി)
 
ലുല്‍വ ബിന്‍ത് റാഷിദ് അല്‍ ഖാതിര്‍ (വിദ്യാഭ്യാസ, ഉന്നത വിദ്യാഭ്യാസ മന്ത്രി)

ബുഥൈന ബിന്‍ത് അലി അല്‍ ജാബിര്‍ അല്‍ നുഐമി (സാമൂഹിക വികസന, കുടുംബകാര്യ മന്ത്രി) 

മന്‍സൂര്‍ ബിന്‍ ഇബ്രാഹിം ബിന്‍ സഅദ് അല്‍ മഹ്മൂദ് (പൊതുജനാരോഗ്യ മന്ത്രി)

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Qatar's cabinet has undergone a significant reshuffle, with key ministries receiving new ministers, marking a strategic shift in the country's governance.