വരാണസി: ബനാറസ് ഹിന്ദു സര്‍വകലാശാലയില്‍ വിദ്യാര്‍ഥികളും ഡോക്ടര്‍മാരും ഏറ്റുമുട്ടി. ആറ് വിദ്യാര്‍ഥികള്‍ക്ക് പരുക്കേറ്റു. സംഭവത്തില്‍ ഇരുവിഭാഗങ്ങളിലെയും കണ്ടാലറിയുന്നവര്‍ക്കെതിരേ പൊലിസ് കേസെടുത്തു.

ബുധനാഴ്ച രാത്രിയാണ് സംഭവം. പരുക്കേറ്റ് ചികിത്സക്കെത്തിയ വിദ്യാര്‍ഥിയെ ഡോക്ടര്‍മാര്‍ നോക്കിയില്ലെന്നാരോപിച്ചു തുടങ്ങിയ തര്‍ക്കമാണ് സംഘര്‍ഷത്തില്‍ കലാശിച്ചത്. പരുക്കേറ്റ വിദ്യാര്‍ഥിയെ ഡോക്ടര്‍ അടിച്ചുവെന്ന ആരോപിച്ച് സുഹൃത്തുക്കള്‍ ഡോക്ടര്‍മാര്‍ക്കെതിരേ കല്ലെറിയുകയായിരുന്നു.

സംഘര്‍ഷം രൂക്ഷമായതോടെ ഹോസ്റ്റലില്‍ നിന്നും കൂടുതല്‍ വിദ്യാര്‍ഥികള്‍ എത്തി അക്രമം നടത്തുകയും ചെയ്തു.

സംഭവത്തില്‍ പ്രതിഷേധിച്ച് സര്‍വകലാശാല കാമ്പസ് മെഡിക്കല്‍ കോളേജിലെ ജൂനിയര്‍ ഡോക്ടര്‍മാര്‍ സമരത്തിലാണ്.