കാലടി: ശ്രീ ശങ്കരാചാര്യ സംസ്‌കൃത സര്‍വകലാശാലയില്‍ ദേശീയ കായികദിനം ആചരിച്ചു. സര്‍വകലാശാല മുഖ്യകേന്ദ്രത്തില്‍ നടന്ന കായികദിനാഘോഷ പരിപാടികള്‍ക്ക് കായികപഠന വിഭാഗം നേതൃത്വം നല്‍കി. കായികദിനാഘോഷങ്ങള്‍ വൈസ് ചാന്‍സലര്‍ ഡോ. എം.സി. ദിലീപ്കുമാര്‍ ഉദ്ഘാടനം ചെയ്തു. പ്രോ വൈസ് ചാന്‍സലര്‍ ഡോ. സുചേത നായര്‍ അധ്യക്ഷയായിരുന്നു. പേരാമംഗലം ശ്രീ ദുര്‍ഗ്ഗാവിലാസം ഹയര്‍ സെക്കന്ററി സ്‌കൂളിലെ കായിക അധ്യാപകനും എഫ്.ഐ.വി.ബി. ലെവല്‍രണ്ട് കോച്ചുമായ ശിവകുമാര്‍ പി. മുഖ്യാതിഥിയായിരുന്നു. രജിസ്ട്രാര്‍ ഡോ. ടി. പി. രവീന്ദ്രന്‍, ഫിനാന്‍സ് ഓഫീസര്‍ ടി.എല്‍. സുശീലന്‍ എന്നിവര്‍ പ്രസംഗിച്ചു.