കായംകുളം: ദേശീയ പാതയില്‍നിന്നും കെ.എസ്.ആര്‍.ടി.സി. ബസ് സ്റ്റാന്‍ഡിലേക്കും ടൗണിലേക്കും പ്രവേശിക്കുന്ന പ്രധാന റോഡില്‍ സിഗ്നലുകളോ സൂചനാ ബോര്‍ഡുകളോ ഇല്ലാത്തതുമൂലം അപകടങ്ങള്‍ വര്‍ധിക്കുന്നു. ആലപ്പുഴ ഭാഗത്തുനിന്നുവരുന്ന വാഹനങ്ങള്‍ക്ക് വ്യക്തമായ ധാരണയോ സിഗ്നലുകളോ ലഭിക്കാത്തതാണ് അപകടങ്ങള്‍ക്ക് കാരണമാകുന്നത്.
കഴിഞ്ഞദിവസം ഡിവൈഡറില്‍ ഇടിച്ചു കാര്‍ മറിഞ്ഞു. സിഗ്നല്‍ ബോര്‍ഡുകളോ, സിഗ്നല്‍ ലൈറ്റുകളോ ഇല്ലാത്തതാണ് ഇവിടെ അപകടങ്ങള്‍ക്ക് കാരണമാകുന്നത്. ദിവസേന ആയിരക്കണക്കിന് വാഹനങ്ങള്‍ കടന്നുപോകുന്ന ദേശീയപാതയാണിത്. എറണാകുളം, ആലപ്പുഴ, ഹരിപ്പാട്, പുല്ലുകുളങ്ങര ഭാഗത്തുനിന്നും വേഗത്തില്‍ വരുന്ന വാഹനങ്ങള്‍ പെട്ടെന്ന് നിയന്ത്രിക്കാനാവാതെ ഡിവൈഡറിലിടിച്ച് മറിയുകയാണ് ചെയ്യുന്നത്. കെ.എസ്.ആര്‍.ടി.സി. ബസ് സ്റ്റേഷനില്‍നിന്നും വടക്കോട്ടു പോകേണ്ട ബസ്സുകള്‍ ഈ അപകടങ്ങള്‍ കാരണം മിക്കപ്പോഴും വഴിതിരിച്ചുവിടേണ്ടി വരുന്നുണ്ട്. മുനിസിപ്പാലിറ്റിയും, ദേശീയപാത അതോറിറ്റിയും ഇത് കണ്ടില്ലെന്ന് നടിക്കുകയാണ്.