ശ്രീകണ്ഠപുരം: ശ്രീകണ്ഠപുരം ബസ്സ്റ്റാന്‍ഡിലെ നാസറിന്റെ ഉടമസ്ഥതയിലുള്ള ബേക്കറിക്കു നേരെ വീണ്ടും അക്രമം. ടേസ്റ്റി പാര്‍ക്ക് എന്ന ബേക്കറിക്കു നേരെ ഇത് അഞ്ചാംതവണയാണ് അക്രമം നടക്കുന്നത്. കടയുടെ മുന്‍ഭാഗത്തെ ബോര്‍ഡിനു താഴെയുള്ള ഫര്‍ണിച്ചറുകള്‍ തകര്‍ത്തു, ബള്‍ബ് ഊരി കൊണ്ടുപോയി. ഒന്നരമാസം മുമ്പും ബേക്കറിക്കു നേരേ അക്രമം നടന്നിരുന്നു. നാസറിന്റെ പരാതിയില്‍ പൊലിസ് കേസെടുത്തു.