വാടാനപ്പള്ളി: തൃത്തല്ലൂര്‍ കമലാ നെഹ്‌റു മെമ്മോറിയല്‍ വി.എച്ച്.എസ് ലെ നാഷണല്‍ സര്‍വിസ് സ്‌കീം യൂനിറ്റ് തൃത്തല്ലൂര്‍ സാമൂഹിക ആരോഗ്യ കേന്ദ്രത്തിലെ രോഗികള്‍ക്കായി വീല്‍ചെയര്‍ വിതരണം ചെയ്തു. രോഗികളെയും അവശത അനുഭവിക്കുന്നവരെയും സഹായിക്കുക എന്ന ലക്ഷ്യവുമായി കഴിഞ്ഞ ദിവസം വിദ്യാര്‍ഥികളുടെ നേതൃത്വത്തില്‍ ആരംഭിച്ച സ്‌നേഹപ്രകാശം പദ്ധതിയുടെ ഭാഗമായാണ് വിദ്്യാര്‍ഥികള്‍ വീല്‍ചെയര്‍ നല്‍കിയത്.
രോഗികളുടെയും ആശുപത്രി ജീവനക്കാരുടെയും എന്‍. എസ്.എസ് വളണ്ടിയര്‍മാരുടെയും സാനിദ്ധ്യത്തില്‍ ആശുപത്രി സുപ്രണ്ടന്റ് ഡോ: പി.കെ.രാധാകൃഷ്ണന്‍ പ്രിന്‍സിപ്പല്‍ വി.എ. ബാബുവിന്‍ നിന്ന് വീല്‍ചെയര്‍ ഏറ്റുവാങ്ങി.
സ്‌കൂള്‍ പ്രധാന അധ്യാപകന്‍ കെ.ജെ സുനില്‍, പി.ടി.എ പ്രസിഡന്റ് ജുബുമോന്‍ വാടാനപ്പള്ളി, ഹെല്‍ത്ത് ഇന്‍സ്‌പെക്ട്ടര്‍ കെ.ഗോപകുമാര്‍, വി.എസ് രമേഷ്, എം.ജി വസന്തകുമാരി എന്നിവര്‍ സംസാരിച്ചു.എന്‍.എസ്.എസ് വളണ്ടിയര്‍മാരായ മിഥുന മൈത്രിന്‍, സുകുമാരന്‍ എന്‍.എസ്, റാണി മരിയ, നിധീഷ് കെ.എസ്  പരിപാടിക്ക് നേതൃത്വം നല്‍കി.