ഒറ്റപ്പാലം: സ്‌കൂള്‍ വിദ്യാര്‍ഥിനികളുടെ മുന്നില്‍ അശ്ലീല ആംഗ്യം കാണിച്ചുവെന്ന പരാതിയില്‍ ചലച്ചിത്ര നടന്‍ ശ്രീജിത്ത് രവിക്കെതിരെ പോക്‌സോ ആക്റ്റ് പ്രകാരം കേസ് രജിസ്റ്റര്‍ ചെയ്തു. സ്വകാര്യ സ്‌കൂള്‍ പ്രിന്‍സിപ്പാള്‍ നല്‍കിയ പരാതിയെത്തുടര്‍ന്നാണ് ഒറ്റപ്പാലം പൊലിസ് കേസെടുത്തത്. അറസ്റ്റ് രേഖപ്പെടുത്തിയ ശ്രീജിത്ത് രവിയെ കോടതിയില്‍ ഇന്ന് ഹാജരാക്കും.പാലക്കാട് പത്തിരിപ്പാലയിലുള്ള സ്‌കൂളിനു മുന്നിലാണ് കേസിനാസ്പദമായ സംഭവം. കാറിലെത്തിയ നടന്‍ വിദ്യാര്‍ഥിനികളുടെ മുന്നില്‍ നഗ്നത പ്രദര്‍ശിപ്പിച്ചുവെന്നാണ് പരാതി. ഇതേത്തുടര്‍ന്ന് വ്യാഴാഴ്ച ശ്രീജിത്ത് രവിയെ കസ്റ്റഡിയിലെടുത്തിരുന്നു.