കറാച്ചി: പാകിസ്താനില്‍ വ്യത്യസ്ത ഭീകരാക്രമണങ്ങളില്‍ 17 പേര്‍ കൊല്ലപ്പെട്ടു. 50 ല്‍ അധികം പേര്‍ക്ക് പരുക്കുണ്ട്.

പെഷവാറിലെ ക്രിസ്ത്യന്‍ കോളനിയില്‍ നടന്ന ഭീകരാക്രമണത്തില്‍ അഞ്ചുപേര്‍ കൊല്ലപ്പെട്ടു. കൊല്ലപ്പെട്ടവരില്‍ അഞ്ചില്‍ നാലു പേരും ചാവേറുകളാണെന്ന് പൊലിസ് അറിയിച്ചു. ഇന്നു പുലര്‍ച്ചെ ആറു മണിയോടെയാണ് സംഭവം.

പെഷവാറിലെ വാര്‍സാക് റോഡിലെ കോളനിയിലാണ് സ്‌ഫോടനം ഉണ്ടായത്.

ഉച്ചയ്ക്ക് 12 മണിയോടെ മര്‍ദന്‍ ജില്ലാകോടതിക്കു പുറത്ത് വീണ്ടും സ്‌ഫോടനം ഉണ്ടായി. ഇതില്‍ 10 പേര്‍ മരിച്ചു. മരിച്ചവരില്‍ പൊലിസുകാരും അഭിഭാഷകരും ഉള്‍പ്പെടുന്നു.

ആക്രമണത്തില്‍ കൂടുതല്‍ പേര്‍ക്ക് പരുക്കേറ്റിട്ടുണ്ടോ എന്നത് പരിശോധിക്കുകയാണെന്ന് അധികൃതര്‍ അറിയിച്ചു.