റിയാദ്: നിയമവിരുദ്ധ പരസ്യ ഉള്ളടക്കങ്ങള്‍ ആവര്‍ത്തിച്ച് പ്രസിദ്ധീകരിച്ച സ്‌നാപ് ചാറ്റ് സെലിബ്രിറ്റിക്ക് ഒരു ലക്ഷം റിയാല്‍ പിഴ ചുമത്തി. ജനറല്‍ അതോറിറ്റി ഓഫ് മീഡിയ റെഗുലേഷനാണ് പിഴ ചുമത്തിയിരിക്കുന്നത്. കൂടാതെ ഇയാളുടെ മീഡിയ ലൈസന്‍സ് 30 ദിവസത്തേക്ക് സസ്പെൻഡ് ചെയ്യുകയും ചെയ്തു.

റിയല്‍ എസ്റ്റേറ്റ്, സാമൂഹിക പരിപാടികളിലും ചടങ്ങുകളിലും പങ്കെടുത്താണ് ഇയാൾ നിയമ വിരുദ്ധ പരസ്യ ഉള്ളടക്കങ്ങള്‍ പ്രസിദ്ധീകരിച്ചത്. വ്യാജ വിവരങ്ങള്‍ അടങ്ങിയ പരസ്യ ഉള്ളടക്കങ്ങള്‍ പ്രസിദ്ധീകരിക്കരുത് എന്ന് ആവശ്യപ്പെടുന്ന ഓഡിയോ വിഷ്വല്‍ മീഡിയ നിയമത്തിലെ പത്താം വകുപ്പും സഭ്യതക്ക് നിരക്കാത്ത ഭാഷകള്‍ ഉപയോഗിക്കുന്ന പരസ്യ ഉള്ളടക്കങ്ങള്‍ പ്രദര്‍ശിപ്പിക്കാന്‍ പാടില്ലെന്ന് അനുശാസിക്കുന്ന ഓഡിയോവിഷ്വല്‍ മീഡിയ നിയമത്തിലെ പതിമൂന്നാം വകുപ്പും ലംഘിച്ചതിനാണ് ഇയാൾക്കെതിരെ പിഴ ചുമത്തിയിരിക്കുന്നത്. ഇയാളുടെ മീഡിയ ലൈസന്‍സ് 30 ദിവസത്തേക്ക് സസ്പെൻഡ് ചെയ്തുവെന്നും ജനറല്‍ അതോറിറ്റി ഓഫ് മീഡിയ റെഗുലേഷന്‍ വ്യക്തമാക്കി.

Saudi authorities have fined a social media celebrity 1 lakh riyals for publishing an illegal ad