മുംബൈ: മഹാരാഷ്ട്ര തദ്ദേശ തിരഞ്ഞെടുപ്പില്‍ ഒറ്റക്ക് മത്സിരിക്കുമെന്ന് ശിവസേന ഉദ്ധവ് താക്കറെ വിഭാഗം. മുംബൈ നഗരസഭ ഉള്‍പ്പെടെ നടക്കാനിരിക്കുന്ന തിരഞ്ഞെടുപ്പില്‍ മഹാവികാസ് അഘാഡിയോടൊപ്പമോ, ഇന്‍ഡ്യ സഖ്യത്തിനൊപ്പമോ നില്‍ക്കില്ലെന്നും ഒറ്റക്ക് മത്സരിക്കുമെന്നും ശിവസേന യുബിടി വക്താവും രാജ്യസഭാ എംപിയുമായ സഞ്ജയ് റാവു അറിയിച്ചു. 

തദ്ദേശ തിരഞ്ഞെടുപ്പുകളില്‍ സഖ്യം കൂടുന്നത് പ്രാദേശിക നേതാക്കളുടെ സാധ്യതകള്‍ ഇല്ലാതാക്കുമെന്നും, സംഘടനാ വളര്‍ച്ചയെ ബാധിക്കുമെന്നും ചൂണ്ടിക്കാട്ടിയാണ് തീരുമാനമെന്നും അദ്ദേഹം പറഞ്ഞു. മാത്രമല്ല ഭാവിയില്‍ ബിജെപിയുമായി സഖ്യത്തിലാകുന്നത് തള്ളിക്കളയാനാകില്ലെന്നും സഞജയ് റാവുത്ത് കൂട്ടിച്ചേര്‍ത്തു.