തിരുവനന്തപുരം:നെയ്യാറ്റിന്‍കരയില്‍ ഗോപന്‍ സമാധി കേസില്‍ ദുരൂഹത. മകന്റെയും ബന്ധുക്കളുടേയും മൊഴികളില്‍ വൈരുധ്യം. ഗോപന്‍ അതീവഗുരുതരാവസ്ഥയില്‍ കിടപ്പിലായിരുന്നെന്ന് ബന്ധു പൊലിസില്‍ മൊഴി നല്‍കി. 

എന്നാല്‍ മകന്‍ പറയുന്നത് ഗോപന്‍ 11 മണിയോടെ തനിയെ നടന്ന് പോയി സമാധിയിരിക്കുകയായിരുന്നു എന്നാണ്. എന്നാല്‍ കുടുംബം പറയുന്നതനുസരിച്ച് 11.30 യോടെ സമാധിയായെന്നാണ് വിവരം. ഇത്തരത്തില്‍ മൊഴികളിലെ വൈരുധ്യം പൊലിസ് പഠിച്ച് വരികയാണ്. കുടുംബത്തിന്റെ മൊഴിയില്‍ ദുരൂഹതയുണ്ടെന്ന് പൊലിസ് പറഞ്ഞു. 

മരണ കാരണം മനസ്സിലാക്കാന്‍ മൃതദേഹം പുറത്തെടുത്ത് പോസ്റ്റമോര്‍ട്ടം നടത്താനുള്ള നീക്കത്തിലാണ് പൊലിസ്. ഇതില്‍ കലക്ടറുടെ തീരുമാനം ഇന്നുണ്ടാകും. കല്ലറ തുറന്ന് പരിശോധിക്കണമെന്നും മൃതദേഹം കല്ലറയില്‍ ഉണ്ടെങ്കില്‍ പോസ്റ്റ്മോര്‍ട്ടത്തിന് വിധേയമാക്കണമെന്നാണ് പൊലീസിന്റെ ആവശ്യം. കലക്ടര്‍ ഉത്തരവിട്ടാല്‍ ഫൊറന്‍സിക് വിദഗ്ധരുടെ സാന്നിധ്യത്തില്‍ കല്ലറ തുറന്ന് പരിശോധിക്കും.

ബിപിക്കുള്ള ഗുളികയും കഞ്ഞിയും കുടിച്ച് അച്ഛന്‍ സമാധിയായി; സ്ലാബ് ഇട്ട് മൂടി മകന്‍,ദുരൂഹത