ബ്രിസ്‌ബെയ്ന്‍: ആസ്‌ത്രേലിയയിലെ ബിഗ് ബാഷ് ടി20 ലീഗിനിടെ സ്‌റ്റേഡിയത്തില്‍ തീ പിടിത്തമുണ്ടായത്. ഗാബ സ്റ്റേഡിയത്തില്‍ അരങ്ങേറിയ ബ്രിസ്‌ബെയ്ന്‍ ഹീറ്റ്- ഹൊബാര്‍ട്ട് ഹരിക്കേയ്ന്‍സ് പോരാട്ടത്തിനിടെയാണ് അപ്രതീക്ഷിതമായി തീ പടർന്നത്. ഇതോടെ കളി നിര്‍ത്തിവെയ്ക്കുകയായിരുന്നു.ആര്‍ക്കും പരിക്കില്ല. വലിയ ദുരന്തമാണ് ഒഴിവായത്.

സ്റ്റേഡിയത്തിലെ എന്റര്‍ടൈന്‍മെന്റ് ഏരിയയിലെ ഡിജെയ്ക്കായി സെറ്റ് ചെയ്ത ഭാഗത്താണ്പിടിത്തമുണ്ടായത്.മത്സരത്തിലെ രണ്ടാം ഇന്നിം​ഗ്സിൽ  ഹരിക്കെയ്ന്‍സ് ബാറ്റ് ചെയ്തു കൊണ്ടിരുന്നപ്പോഴാണ് തീ പടർന്നത്. ഇതോടെ സ്‌റ്റേഡിയത്തില്‍ കളി നേരില്‍ കാണാനെത്തിയ ആരാധകരെ പരമാവധി മാറ്റി. തീ കണ്ട ഉടന്‍ തന്നെ രക്ഷാപ്രവര്‍ത്തകര്‍ ഏറെ പണിപ്പെട്ട് അതു കെടുത്തുകയുമായിരുന്നു.

പിന്നീട് മത്സരം തുടര്‍ന്നു. പോരാട്ടത്തില്‍ ഹരിക്കെയ്ന്‍സ് വിജയം സ്വന്തമാക്കി. ആദ്യം ബാറ്റ് ചെയ്ത ബ്രിസ്‌ബെയ്ന്‍ 6 വിക്കറ്റ് നഷ്ടത്തില്‍ 201 റണ്‍സെടുത്തു. ഹരിക്കെയ്ന്‍സ് 5 വിക്കറ്റ് നഷ്ടത്തില്‍ 207 റണ്‍സ് എടുത്ത് വിജയം സ്വന്തമാക്കി. 5 വിക്കറ്റ് ജയമാണ് അവര്‍ ആഘോഷിച്ചത്.