കുവൈത്ത് സിറ്റി: കുവൈത്തിലെ എല്ലാ ഗവർണറേറ്റുകളിലുമായി ആകെയുള്ള 356,648 അപ്പാർട്ടുമെന്‍റുകളിൽ  65,000 അപ്പാർട്ടുമെന്‍റുകൾ ഒഴിഞ്ഞുകിടക്കുന്നതായി പബ്ലിക് അതോറിറ്റി ഫോർ സിവിൽ ഇൻഫർമേഷന്‍റെ പുതിയ കണക്കുകൾ.

രണ്ട് വർഷത്തിനിടെ അപ്പാർട്ടുമെന്റുകളുടെ എണ്ണത്തിൽ ഏകദേശം 26.4% കുറവ് രേഖപ്പെടുത്തിയിട്ടുണ്ട്. 2024 അവസാനം വരെ ഒഴിഞ്ഞുകിടക്കുന്ന അപ്പാർട്ടുമെന്റുകളുടെ എണ്ണം രാജ്യത്തെ മൊത്തം 356,648 അപ്പാർട്ടുമെന്റുകളിൽ ഏകദേശം 65,000 അപ്പാർട്ടുമെന്റുകളിൽ എത്തിയിട്ടുണ്ട്, 2022 അവസാനത്തിൽ ഇത് 88,220 അപ്പാർട്ടുമെന്റുകളായിരുന്നു. പ്രവാസികൾക്കായി സന്ദർശക വിസ ആരംഭിച്ചതിനു ശേഷം അപ്പാർട്മെന്റ് റിയൽ എസ്റ്റേറ്റ് വ്യാപാര പ്രവർത്തനങ്ങളിലെ വർദ്ധനവിന്റെ സൂചനയാണിത്.

സ്ഥിതിവിവരക്കണക്കുകൾ സൂചിപ്പിക്കുന്നത് പ്രകാരം ഹവല്ലി ഗവർണറേറ്റാണ് ഒഴിഞ്ഞുകിടക്കുന്ന അപ്പാർട്ടുമെന്റുകളുടെ എണ്ണത്തിൽ ഒന്നാം സ്ഥാനത്ത്. 28,133 അപ്പാർട്ടുമെന്റുകൾ ഹവല്ലി ഗവർണറേറ്റിൽ ഒഴിഞ്ഞു കിടക്കുമ്പോൾ, 19,746 അപ്പാർട്ടുമെന്റുകളുമായി അഹമ്മദി തൊട്ടുപിന്നിലുണ്ട്. പിന്നാലെ 8,798 അപ്പാർട്ടുമെന്റുകളുമായി ഫർവാനിയും, 4,698 അപ്പാർട്ടുമെന്റുകളുമായി മുബാറക് അൽ-കബീർ ഗവർണറേറ്റും, 2,986 അപ്പാർട്ടുമെന്റുകളുമായി ക്യാപിറ്റൽ ഗവർണറേറ്റും, 611 അപ്പാർട്ടുമെന്റുകളുമായി ജഹ്‌റ അവസാന സ്ഥാനത്തുമുണ്ട്.

Kuwait's latest statistics show a staggering 65,000 apartments lying vacant, highlighting the country's ongoing housing crisis and mismatch between supply and demand.