അബൂദബി: ലോകത്തിലെ ഏറ്റവും ശക്തമായ പാസ്പോര്‍ട്ടുകളുടെ പട്ടികയില്‍ യുഎഇക്ക് വന്‍ മുന്നേറ്റം. ശക്തമായ പാസ്പോര്‍ട്ടുകളുടെ പട്ടികയില്‍ യുഎഇ ആദ്യ പത്തില്‍ ഇടം നേടിയിരിക്കുകയാണ്. ഹെന്‍ലി പാസ്പോര്‍ട്ട് ഇന്‍ഡക്സില്‍ എട്ടാം സ്ഥാനത്താണ് യുഎഇ. 

യുഎഇ പാസ്പോര്‍ട്ട് ഉടമകൾക്ക് 184 രാജ്യങ്ങളിലേക്ക് വിസാ രഹിത പ്രവേശനത്തിന് അർഹതയുണ്ട്. 2015ല്‍ 32-ാം സ്ഥാനത്തായിരുന്നു യുഎഇ. കഴിഞ്ഞ 10 വര്‍ഷത്തിനിടെ 72 രാജ്യങ്ങളിലേക്ക് കൂടി യുഎഇ പാസ്പോര്‍ട്ട് ഉടമകൾക്ക് വിസാ രഹിത പ്രവേശനം സാധ്യമായി എന്നത് യുഎഇ സംബന്ധിച്ച് വലിയ നേട്ടമാണ്. 2006ൽ ഹെന്‍ലി പാസ്പോര്‍ട്ട് ഇന്‍ഡക്സ് തുടങ്ങിയപ്പോൾ യുഎഇ 62-ാം സ്ഥാനത്തായിരുന്നു. സിം​ഗ​പ്പൂ​ർ പാ​സ്​​പോ​ർ​ട്ടാ​ണ് പട്ടികയിൽ ഒന്നാം സ്ഥാനത്തുള്ളത്. ലോകത്തെ 227 രാ​ജ്യ​ങ്ങ​ളി​ൽ 193 എ​ണ്ണ​ത്തി​ലേ​ക്ക് സിംഗപ്പൂര്‍ പാസ്പോര്‍ട്ട് ഉടമകൾക്ക് വി​സ​ര​ഹി​ത അ​ല്ലെ​ങ്കി​ൽ വി​സ ഓ​ൺ അ​റൈ​വ​ൽ ലഭിക്കുന്നു.  

190 രാ​ജ്യ​ങ്ങ​ളി​ലേ​ക്ക് വീ​തം ഈ ​സൗ​ക​ര്യ​മു​ള്ള ദ​ക്ഷി​ണ കൊ​റി​യ​യും ജ​പ്പാ​നും ര​ണ്ടാം സ്ഥാ​ന​ത്തും, 187 ല​ക്ഷ്യ​സ്ഥാ​ന​ങ്ങ​ളു​മാ​യി സ്പെ​യി​ൻ, ജ​ർ​മ​നി, ഇ​റ്റ​ലി, ഫ്രാ​ൻ​സ്, അ​യ​ർ​ല​ൻ​ഡ്, ഫി​ൻ​ല​ൻ​ഡ്, ഡെ​ൻ​മാ​ർ​ക് തുടങ്ങിയ രാജ്യങ്ങൾ മൂ​ന്നാം സ്ഥാ​നത്തുമുണ്ട്. ആ​ദ്യ 10ൽ ​ബാ​ക്കി​യു​ള്ള​വയെല്ലാം പ്ര​ധാ​ന​മാ​യും യൂ​റോ​പ്യ​ൻ രാ​ജ്യ​ങ്ങ​ളാ​ണ്. ആ​ദ്യ പ​ത്തി​ൽ ഇ​ടം നേ​ടി​യ ഏ​ക അ​റ​ബ് രാ​ജ്യം കൂടിയാ​ണ് യുഎഇ.

The Henley Passport Index has ranked Singapore as the country with the most powerful passport, offering visa-free travel to the most destinations, while only one Arab country features on the list.