നമ്മുടെ നാട്ടിൽ എവിടെ തിരിഞ്ഞാലും ബഹളമാണ്, ഉച്ചത്തിലുള്ള ഹോണടിയും, സ്പീക്കറിലൂടെയുള്ള പാട്ടുകളും, അങ്ങോട്ടും ഇങ്ങോട്ടും വലിയ ശബ്ദത്തിലുള്ള സംസാരങ്ങളും വഴക്കും എല്ലാം ഇതിൽ ഉൾപ്പെടുന്നു. അതേസമയം, ചില രാജ്യങ്ങളിൽ ശബ്ദമലിനീകരണത്തിനെതിരെയും ശബ്ദം കൊണ്ട് ആളുകളെ ബുദ്ധിമുട്ടിക്കുന്നതിനെതിരെയും കർശനമായ നിയമങ്ങളാണ് ഉള്ളത്. അത്തരമൊരു രാജ്യമാണ് ഫ്രാൻസ്. എന്നാൽ ഫ്രാൻസിൽ, ശബ്ദം കാരണം ഒരു യുവാവിന് കിട്ടിയ ഫൈൻ കുറച്ച് ഓവറായിപ്പോയി എന്നാണ് സോഷ്യൽ മീഡിയ പറയുന്നത്. 

നാൻ്റസിലെ റെയിൽവേ സ്റ്റേഷനിൽ വച്ച് ഫോൺ സ്പീക്കറിലിട്ട് സംസാരിച്ചതിന് ഡേവിഡ് എന്ന യുവാവിന് പിഴയായി ചുമത്തിയത് $200 അതായത് 16,640 രൂപയാണ്. ഡേവിഡ് തന്റെ സഹോദരിയോട് സ്പീക്കർഫോണിൽ സംസാരിക്കുമ്പോഴായിരുന്നു ഫ്രാൻസിലെ സ്റ്റേറ്റിന്റെ അധീനതയിലുള്ള റെയിൽ കമ്പനിയായ SNCF -ലെ ഒരു ഉദ്യോ​ഗസ്ഥ അയാളുടെ അടുത്തെത്തിയത്. 

'SNCF -ൽ നിന്നുള്ള സുരക്ഷാ ജീവനക്കാരി തന്റെ അടുത്തെത്തി. ലൗഡ്‍സ്പീക്കർ ഓഫാക്കിയില്ലെങ്കിൽ €150 (13,436) പിഴ ചുമത്തുമെന്ന് തന്നോട് പറഞ്ഞെന്ന് ഡേവിഡ് പറയുന്നു. എന്നാൽ, അതൊരു തമാശയാണെന്നാണ് ആദ്യം കരുതിയത്. പക്ഷെ, അവർ ഒരു ബുക്ക് എടുക്കുകയും തനിക്ക് പിഴ ചുമത്തുകയും ചെയ്തുവെന്ന് ഡേവിഡ് പറയുന്നു. 

ആദ്യം 13,436 രൂപയായിരുന്നു പിഴ ചുമത്തിയത്, പിന്നീട് തുക അടക്കാൻ വൈകി എന്ന് കാണിച്ച് 17000 ത്തോളം രൂപയായി പിഴ ഉയർത്തിയെന്നും എന്നും ഡേവിഡ് പറയുന്നു. ഇതിനെതിരെ വാദിക്കുന്നതിനായി എന്തായാലും ഡേവിഡ് ഒരു വക്കീലിനെ അപ്പോൾ തന്നെ നിയമിച്ചിട്ടുണ്ട്. 

അതേസമയം, ഈ പിഴ ചുമത്തിയത് കുറച്ച് ഓവറായിപ്പോയി എന്നാണ് സോഷ്യൽ മീഡിയ പറയുന്നത്. എന്നാൽ, ഹെഡ്‍ഫോണില്ലാതെ പൊതുസ്ഥലങ്ങളിൽ സംസാരിക്കുകയും വീഡിയോ കാണുകയും പാട്ട് കേൾക്കുകയും ചെയ്യുന്നതിനെതിരെ ആളുകൾ പ്രതികരിക്കാറുണ്ട്. 

A man shares his transformative experience after making a simple yet profound change in his life - stopping the use of speakerphone, and how it has positively impacted his relationships and overall well-being.