കേരളത്തില്‍ നിന്ന് ഏറ്റവും കൂടുതല്‍ ആളുകള്‍ ജോലിക്കായി തിരഞ്ഞെടുക്കുന്ന വിദേശ രാജ്യങ്ങളിലൊന്നാണ് യുഎഇ. സഊദി , ഒമാന്‍, ഖത്തര്‍ അടക്കമുള്ള രാജ്യങ്ങളിലേക്കും സമാനമായ കുടിയേറ്റം നടക്കുന്നു. കേരള സര്‍ക്കാരിന്റെ തന്നെ ഏജന്‍സികളായി ഒഡാപെക്, നോര്‍ക്ക മുഖേന നിരവധി ആളുകളാണ് ഇതിനോടകം ഗള്‍ഫ് മേഖലകളില്‍ ജോലി നേടിയിട്ടുള്ളത്.

ഇപ്പോഴിതാ, യുഎഇയിലേക്ക് പുതിയൊരു റിക്രൂട്ട്‌മെന്റുമായി രംഗത്തെത്തിയിരിക്കുകയാണ്     ഒഡാപെക്. യു.എ.ഇയിലെ പ്രശസ്തമായ ആശുപത്രി ഗ്രൂപ്പുകളിലേക്ക് നഴ്‌സുമാരെയാണ് റിക്രൂട്ട് ചെയ്യുന്നത്. നൂറോളം ഒഴിവുകളാണുള്ളത്. പുരുഷന്‍മാര്‍ക്ക് മാത്രമാണ് അപേക്ഷിക്കാനാവുക. 

പ്രായപരിധി

40 വയസില്‍ താഴെ പ്രായമുള്ളവരെയാണ് ആവശ്യം. 

യോഗ്യത

ബി എസ് സി നഴ്‌സിംഗ് / പോസ്റ്റ് ബേസിക് ബി എസ് സി നഴ്‌സിംഗ് കഴിഞ്ഞവരായിരിക്കണം. 

ഐസിയു, എമര്‍ജന്‍സി, അര്‍ജന്റ് കെയര്‍, ക്രിട്ടിക്കല്‍ കെയര്‍, ഓയില്‍ ആന്‍ഡ് ഗ്യാസ് നഴ്‌സിംഗ് എന്നിവയിലെ രണ്ട് വര്‍ഷത്തെ പ്രവര്‍ത്തി പരിചയവും ഉണ്ടായിരിക്കണം. 

പുറമെ ഡി ഒ എച്ച് ജേതാവോ, അല്ലെങ്കില്‍ ഡി ഒ എച്ച് ലൈസന്‍സോ വേണം. 

ഡി ഒ എച്ച് ഡാറ്റാഫ്‌ളോ പോസിറ്റീവ് റിസല്‍ട്ടുള്ളവര്‍ക്കും യോഗ്യതുണ്ടായിരിക്കും. വളരെ വേഗത്തില്‍ തന്നെ ജോലിക്ക് ചേരുന്നവര്‍ക്കാണ് മുന്‍ഗണനയുണ്ട്.

ശമ്പളം

തെരഞ്ഞെടുക്കപ്പെടുന്നവര്‍ക്ക് മാസ ശമ്പളമായി 5000 യുഎഇ ദിര്‍ഹം ലഭിക്കും. (1.18 ലക്ഷം ഇന്ത്യന്‍ രൂപ)

ഇതിന് പുറമെ താമസം, ഭക്ഷണം, ഗതാഗത ചിലവുകള്‍, വിസ, വിമാന ടിക്കറ്റ്, മെഡിക്കല്‍ ഇന്‍ഷുറന്‍സ് എന്നിവയും കമ്പനി നല്‍കും. ആഴ്ചയില്‍ 60 മണിക്കൂറായിരിക്കും ജോലി ചെയ്യേണ്ടി വരിക. വര്‍ഷത്തില്‍ പൂര്‍ണ്ണ ശമ്പളത്തോടുകൂടിയ ഒരു മാസമത്തെ അവധിയും ലഭിക്കും

അപേക്ഷ

താല്‍പര്യമുള്ള ഉദ്യോഗാര്‍ഥികള്‍ വിശദമായ സിവി, പാസ്‌പോര്‍ട്ട്, ഡാറ്റാ ഫ്‌ളോ (ലഭ്യമെങ്കില്‍) 'Industrial Male Nurse to UAE എന്ന സബ്ജക്ട് ലൈന്‍ നല്‍കി [email protected] എന്ന മെയിലിലേക്ക് അയക്കുക. മാര്‍ച്ചില്‍ കേരളത്തിലും, ബെംഗളൂരുവിലുമായി ഇന്റര്‍വ്യൂ നടക്കും. 

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക

kerala government odepc recruitment to uae flight ticket visa and accommodation free

കരിയര്‍ വാര്‍ത്തകള്‍ telegram ലഭിക്കാന്‍ ഈ ഗ്രൂപ്പ് ജോയിന്‍ ചെയ്യുക