തളിപറമ്പ്: പരിയാരം മെഡിക്കല്‍കോളജിനും ഏമ്പേറ്റിനും ഇടയില്‍ മീന്‍ ലോറി കാറിലിടിച്ച് മറിഞ്ഞ് ഒരാള്‍ മരിച്ചു. മീന്‍ ലോറി ഡ്രൈവര്‍ നാഗരാജനാണ് മരണമടഞ്ഞത്. ഗുരുതരമായി പരുക്കേറ്റ ലോറി ക്ലീനര്‍ രത്‌നാകരന്‍, കാര്‍ യാത്രക്കാരന്‍ ജോസഫ് കുര്യന്‍ എന്നിവരെ പരിയാരം മെഡിക്കല്‍കോളജില്‍ പ്രവേശിപ്പിച്ചു. കാറിലിടിച്ച ലോറി നിയന്ത്രണം വിട്ട് മരത്തിലിടിച്ച് മറിയുകയായിരുന്നു. ഇടിയുടെ ആഘാതത്തില്‍ മരം നിലംപൊത്തി.

ദേശീയപാതയില്‍ രണ്ടു മണിക്കൂറിലേറെ ഗതാഗതം തടസപ്പെട്ടു. പരിയാരം പൊലിസും അഗ്നിശമന സേനയും സ്ഥലത്തെത്തി രക്ഷാപ്രവര്‍ത്തനം നടത്തുകയും ഗതാഗതം പുനസ്ഥാപിക്കുകയും ചെയ്തു.