മനില: ഫിലിപ്പീന്‍സില്‍ മാര്‍ക്കറ്റിലുണ്ടായ സ്‌ഫോടനത്തില്‍ കൊല്ലപ്പെട്ടവരുടെ എണ്ണം 14 ആയി. സംഭവത്തില്‍ പരിക്കേറ്റവരുടെ എണ്ണം 71ന് മുകളിലായതായി ഫിലിപ്പീന്‍സ് ന്യൂസ് ഏജന്‍സി റിപ്പോര്‍ട്ട് ചെയ്തു. തീവ്രവാദി ആക്രമണമാണെന്നാണ് സൂചന.

ഫിലിപ്പീന്‍സിലെ ദാവോയില്‍ ആഢംബര ഹോട്ടലായ മാര്‍ക്കോ പോളോയ്ക്ക് സമീപം ഇന്നലെ രാത്രിയോടെയാണ് സ്‌ഫോടനമുണ്ടായത്.വിനോസഞ്ചാരികളും വ്യവസായികളും അടക്കം നിരവധി ആളുകള്‍ ഇവിടെ ഉണ്ടായിരുന്നു. പരുക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.സ്‌ഫോടനത്തിന്റെ പശ്ചാത്തലത്തില്‍ ജനങ്ങള്‍ക്ക് ജാഗ്രതാ നിര്‍ദേശം നല്‍കിയിട്ടുണ്ട്. സ്‌ഫോടനത്തിന് പിന്നില്‍ ആരാണെന്ന കാര്യം വ്യക്തമല്ല.