പഴയ, ആ കട്ടിയുള്ള വെള്ളികളറിലുള്ള അഞ്ച് രൂപ കോയിന്‍ ഓര്‍ക്കുന്നില്ലേ... ഒരുപാട് കാലം പഴ്‌സില്‍ കൊണ്ടുനടന്ന ആ കോയിനുകള്‍ ഇപ്പോള്‍ വളരെ അപൂര്‍വ്വമായാണ് കാണാറുള്ളത്. ഇപ്പോള്‍ സ്വര്‍ണ നിറത്തിലുള്ള കട്ടികുറഞ്ഞ അഞ്ച് രൂപ കോയിനുകളാണ് പ്രചാരത്തിലുള്ളത്. അപ്പോള്‍ ആ പഴയ കോയിന് എന്ത് സംഭവിച്ചു?... അവ ആര്‍ബി ഐ പിന്‍വലിച്ചോ?...

നിലവില്‍ കേന്ദ്ര സര്‍ക്കാരോ റിസര്‍വ് ബാങ്കോ (ആര്‍ബിഐ) ഇത് പുറത്തിറക്കുന്നില്ല, അതേ സമയം ഇവ നിരോധിച്ചിട്ടുമില്ല. ആര്‍ബിഐ നിര്‍ത്തലാക്കിയതിന്റെ കാരണം അല്‍പം വിചിത്രമാണ്. 

ആര്‍ബിഐ പഴയ നാണയങ്ങള്‍ക്കു പകരം പുതിയ രൂപത്തിലുള്ളവ പുറത്തിറക്കിയെന്ന ചോദ്യത്തിന് ഉത്തരം ബ്ലേഡ് മാഫിയ ആണ്. അതായത് പഴയ അഞ്ചു രൂപ നാണയങ്ങള്‍ ഇന്ത്യന്‍ വിപണികളില്‍ നിന്ന് വലിയ തോതില്‍ ബംഗ്ലാദേശിലേയ്ക്കും മറ്റും കടത്തപ്പെട്ടുവെന്നാണ് റിപ്പോര്‍ട്ടുകള്‍.  ഇതിനു കാരണം നാണയങ്ങള്‍ നിര്‍മിക്കാനെടുത്ത ലോഹത്തിന്റെ മൂല്യമാണ്. 
 
പഴയ ഒരു 5 രൂപ നാണയത്തില്‍ നിന്ന് 6 ഓളം ഷേവിംഗ് ബ്ലേഡുകള്‍ നിര്‍്മ്മിക്കാന്‍ സാധിക്കുമത്രേ..  ഒരു ഷേവിംഗ് ബ്ലേഡ് 2 രൂപ നിരക്കില്‍ വില്‍ക്കുകയാണെങ്കില്‍ ഒരു 5 രൂപ തുട്ടില്‍ നിന്ന് 12 രൂപയുടെ ബ്ലേഡ് നിര്‍മ്മിക്കാന്‍ സാധിക്കും. ഈ തിരിച്ചറിവ് കോയിനുകള്‍ ഉരുക്കി ബ്ലേഡുകള്‍ ഉണ്ടാക്കുന്നതിലേയ്ക്ക് കാര്യങ്ങള്‍ എത്തിച്ചു.

ഇതു തിരിച്ചറിഞ്ഞ ആര്‍ബിഐ പുതിയ ലോഹസങ്കരം ഉപയോഗിച്ച് ഗോള്‍ഡന്‍ നിറത്തിയുള്ള കട്ടികുറഞ്ഞ 5 രൂപ നാണയങ്ങള്‍ പുറത്തിറക്കുകയായിരുന്നു. പുതിയ രൂപത്തിലുള്ള കട്ടികുറഞ്ഞ മറ്റു നാണയങ്ങള്‍ക്കു പിന്നിലും ചില മാഫിയകള്‍ തന്നെയാണെന്ന റിപ്പോര്‍ട്ടുകളുമുണ്ട്.  പഴയ ഒരു രൂപ, രണ്ടു രൂപ നാണയങ്ങള്‍ വന്‍തോതില്‍ വാഷറുകളും മറ്റും നിര്‍മ്മിക്കാന്‍ ഉപയോഗിക്കുന്നുവെന്ന റിപ്പോര്‍ട്ടിന്റെ അടിസ്ഥാനത്തിലാണത്രേ പുതിയ രൂപത്തിലുള്ള കോയിനുകള്‍ക്ക് പുറത്തിറക്കിയത്. 

ഇന്ത്യയിലെ എല്ലാ പണനയ തീരുമാനങ്ങളുടെയും ഉത്തരവാദിത്തം ആർ‌ബി‌ഐക്കാണ്, അച്ചടി, നിർമ്മാണം എന്നിവയുൾപ്പെടെ. കറൻസിയോ നാണയങ്ങളോ പുറത്തിറക്കാൻ സർക്കാർ ആർ‌ബി‌ഐയോട് നിർദ്ദേശിക്കുന്നു. അതേസമയം ഒരു നാണയമോ നോട്ടോ നിർത്തലാക്കുകയോ പുറത്തിറക്കുന്ന പ്രക്രിയയിലോ ആണെങ്കിൽ പോലും, അവ നിരോധിക്കുന്നതിന് ആർ‌ബി‌ഐക്ക് കേന്ദ്ര സർക്കാരിന്റെ അനുമതി ആവശ്യമാണ്.