ലണ്ടൻ: ഇതിഹാസതാരങ്ങളായ ലയണൽ മെസി, ക്രിസ്റ്റ്യാനോ റൊണാൾഡോ ഇവരിൽ ആരാണ് ഫുട്ബോളിലെ ഏറ്റവും മികച്ച താരം എന്നുള്ളത് എക്കാലവും സജീവമായി നിലനിക്കുന്ന ചർച്ചാവിഷയമാണ്‌. ഇപ്പോൾ ഗോട്ട് ഡിബേറ്റിൽ തന്റെ അഭിപ്രായം പറഞ്ഞിരിക്കുകയാണ് അർജന്റീന മിഡ്ഫീൽഡർ കാർലോസ് അൽകാരസ്. താൻ റൊണാൾഡോയുടെ കടുത്ത ആരാധകനാണെന്നും എന്നാൽ മെസിയാണ് ലോകത്തിലെ ഏറ്റവും മികച്ച താരമെന്നുമാണ് അർജന്റീന താരം പറഞ്ഞത്. മിററിന് നൽകിയ അഭിമുഖത്തിൽ സംസാരിക്കുകയായിരുന്നു അൽ ഖരം.

'ഒരു അർജന്റീന താരം ആയിട്ട് കൂടി എനിക്ക് ക്രിസ്റ്റ്യാനോയെ എപ്പോഴും ഇഷ്ടമാണ്. എന്നാൽ മെസിയാണ് ലോകത്തിലെ ഏറ്റവും മികച്ച താരമെന്നാണ് ഞാൻ കരുതുന്നത്. റൊണാൾഡോയെ ഫുട്ബോളിൽ എനിക്ക് വളരെയധികം ഇഷ്ടമാണ്. അദ്ദേഹത്തിന്റെ കൺസിസ്റ്റൻസി, അദ്ദേഹത്തിന്റെ കഠിനാധ്വാനം അദ്ദേഹത്തിന്റെ കളി ശൈലി എന്നിവയെല്ലാം വളരെ മികച്ചതാണ്. അദ്ദേഹം ഫുട്ബോളിൽ വലിയ ഉയരങ്ങൾ കീഴടക്കി,' അൽകാരസ്‌ പറഞ്ഞു. 

ഇംഗ്ലീഷ് ക്ലബ് എവർട്ടണിന്റെ താരമാണ് അൽകാരസ്‌. അടുത്തിടെ ഇംഗ്ലീഷ് പ്രീമിയർ ലീഗിൽ ക്രിസ്റ്റൽ പാലസിനെതിരെയുള്ള മത്സരത്തിൽ ഗോൾ നേടിയതിനു ശേഷം റൊണാൾഡോയുടെ ഐക്കോണിങ് സെലിബ്രേഷൻ അർജന്റീന താരം അനുകരിച്ചിരുന്നു. താരത്തിന്റെ ഈ സെലിബ്രേഷൻ വൻതോതിൽ ഫുട്ബോൾ ലോകത്ത് ശ്രദ്ധ പിടിച്ചു പറ്റിയിരുന്നു.

പോർച്ചുഗീസ് ക്ലബ് സ്പോർട്ടിങ്ങിലൂടെയായിരുന്നു റൊണാൾഡോ ഫുട്ബോളിലേക്ക് കാലെടുത്തുവെച്ചത്. പോർച്ചുഗീസ്സ്പോർട്ടിങ്ങിൽ നിന്നും 2003ലാണ് റൊണാൾഡോ മാഞ്ചസ്റ്റർ യുണൈറ്റഡിൽ എത്തിയത്. മാഞ്ചസ്റ്റർ യുണൈറ്റഡിന്റെ ഇതിഹാസ പരിശീലകൻ സർ അലക്‌സ് ഫെർഗൂസൻ്റെ കീഴിൽ റൊണാൾഡോ ഫുട്ബോളിലെ ഏറ്റവും മികച്ച താരമായി സ്വയം അടയാളപ്പെടുത്തുകയായിരുന്നു.ഓൾഡ് ട്രാഫോർഡിൽ ആറ് സീസണുകൾ പന്തുതട്ടിയ റൊണാൾഡോ 2009ൽ റൊണാൾഡോ മാഞ്ചസ്റ്റർ യുണൈറ്റഡ് വിട്ട് റയൽ മാഡ്രിഡിലേക്കും അവിടെ നിന്നും 2018ൽ യുവന്റസിലേക്കും കൂടുമാറുകയായിരുന്നു.

2021ൽ റൊണാൾഡോ വീണ്ടും തന്റെ പഴയ തട്ടകമായ മാഞ്ചസ്റ്റർ യുണൈറ്റഡിലേക്ക് മടങ്ങി എത്തിയിരുന്നു. 2023ൽ റൊണാൾഡോ സഊദി ക്ലബായ അൽ നസറിലേക്കും ചേക്കേറുകയായിരുന്നു. അൽ നസറിനൊപ്പം തകർപ്പൻ പ്രകടനമാണ് റൊണാൾഡോ നടത്തിക്കൊണ്ടിരിക്കുന്നത്. ഇതിനോടകം തന്നെ റൊണാൾഡോ അൽ നസറിനായി 88 ഗോളുകളാണ് റൊണാൾഡോ നേടിയിട്ടുള്ളത്.