കോട്ടയം: കോട്ടയം ഏറ്റുമാനൂരിനടുത്തുള്ള റെയില്‍വേ ട്രാക്കില്‍ മൂന്നുപേരുടെ മൃതദേഹങ്ങള്‍ കണ്ടെത്തി. പാറോലിക്കല്‍ റെയില്‍വേ ഗേറ്റിനു സമീപമാണ് സംഭവം. ഒരു സ്ത്രീയുടെയും രണ്ട് പെണ്‍കുട്ടികളുടെയും മൃതദേഹങ്ങളാണ് കണ്ടത്. മൂന്നു പേരെയും തിരിച്ചറിയാന്‍ കഴിഞ്ഞിട്ടില്ല. ഇതര സംസ്ഥാനക്കാരാണെന്നാണ് നിഗമനം. 

കോട്ടയംനിലമ്പൂര്‍ എക്‌സ്പ്രസിന് മുന്നിലേക്ക് ഇവര്‍ ചാടുകയായിരുന്നെന്നാണ് ലോക്കോ പൈലറ്റ് പറയുന്നത്. പാറോലിക്കല്‍ റെയില്‍വേ ഗേറ്റിന് സമീപത്തായാണ് മൃതദേഹങ്ങള്‍ കണ്ടെത്തിയത്. ട്രെയിന്‍ വരുമ്പോള്‍ ട്രാക്കിന് സമീപം നില്‍ക്കുകയായിരുന്നു മൂവരും. ട്രെയിന്‍ അടുത്തെത്തിയതോടെ മുന്നിലേക്ക് ചാടിയെന്നുമാണ് ലോക്കോ പൈലറ്റ് റെയില്‍വേയില്‍ അറിയിച്ച വിവരം. അമ്മയും പെണ്‍മക്കളുമാണ് മരിച്ചതെന്നാണ് പ്രാഥമിക നിഗമനം.  പൊലിസും ഫയര്‍ ഫോഴ്‌സും സ്ഥലത്തെത്തി.

മൃതദേഹഭാഗങ്ങള്‍ ചിന്നിച്ചിതറിയ നിലയിലാണ്. ട്രാക്കില്‍ തടസ്സമുള്ളതിനാല്‍ മറ്റ് ട്രെയിനുകളുടെ ഗതാഗതത്തെ ബാധിക്കുന്നുണ്ട്. പലതും വൈകിയാണ് ഓടുന്നത്. 

In a shocking discovery near Ettumanoor, Kottayam, three bodies, including a woman and two girls, were found near the Parolikal Railway Gate. The victims, believed to be from another state, have yet to be identified. Authorities are investigating the case.