ഇടുക്കി: ഇടുക്കി നെടുങ്കണ്ടത്ത് അസം സ്വദേശിനിയെ ബലാത്സംഗം ചെയ്തതായി പരാതി. സംഭവത്തിൽ അസം സ്വദേശിയായ സദ്ദാമിനൊപ്പം അജിമുദീൻ, കൈറുൾ ഇസ്ലാം, മുക്കി റഹ്മാൻ എന്നിവരെയും പൊലീസ് അറസ്റ്റ് ചെയ്തു.

ഇന്നലെ രാത്രി അസം സ്വദേശിയായ യുവതിയും ഭർത്താവും കുട്ടിയും നെടുങ്കണ്ടത്തേക്ക് എത്തുകയായിരുന്നു. ഹോട്ടലിൽ ഭക്ഷണം കഴിക്കുന്നതിനിടെ സദ്ദാമിനെയും സുഹൃത്തിനെയും പരിചയപ്പെടുകയും താമസത്തിനും ജോലിക്കും സഹായം ആവശ്യപ്പെടുകയും ചെയ്തു. ഇതിന് മറുപടിയായി സദ്ദാം ഇവരെ തന്റെ റൂമിലേക്ക് കൂട്ടിക്കൊണ്ടുപോയി.

അവിടെ വെച്ച് സദ്ദാം യുവതിയെ ബലാത്സംഗം ചെയ്തതായും, അജിമുദീൻ, കൈറുൾ ഇസ്ലാം, മുക്കി റഹ്മാൻ എന്നിവരും ശാരീരികമായി ഉപദ്രവിച്ചുവെന്നുമാണ് യുവതി നൽകിയ പരാതിയിൽ പറയുന്നത്. രാവിലെ ഇവർ നെടുങ്കണ്ടം പൊലീസ് സ്റ്റേഷനിൽ തങ്ങളുടെ സാധനങ്ങൾ റൂമിൽ നിന്ന് തിരിച്ചെടുക്കുന്നതിനായി സഹായ അഭ്യർത്ഥിച്ച് എത്തിയപ്പോഴാണ് സംഭവത്തെക്കുറിച്ച് പൊലീസിന് വിവരം ലഭിക്കുന്നത്.പരാതിയുടെ അടിസ്ഥാനത്തിൽ പൊലീസ് അന്വേഷണം നടത്തുകയും പിന്നീട് സദ്ദാമിനെയും കൂട്ടുപ്രതികളെയും അറസ്റ്റ് ചെയ്യുകയുമായിരുന്നു.