പാലക്കാട്: പട്ടാമ്പി കൊപ്പത്ത് നടന്ന എറയൂർ ശ്രീ തിരുവളയനാട് ക്ഷേത്രം പൂരത്തിനിടെ മിന്നലേറ്റ് മൂന്ന് പേർക്ക് പരുക്കേറ്റു. ഇവരെ കൊപ്പത്തെ ഒരു സ്വകാര്യ ആശുപത്രിയിലേക്ക് മാറ്റി. പരുക്കുകൾ ഗുരുതരമല്ല എന്നതാണ് പോലീസിന്റെ പ്രാഥമിക നിഗമനം.

സംഭവം വൈകിട്ട് ആറുമണിയോടെ പൂരത്തിലെ പ്രധാന ചടങ്ങായ "കാളവരവ്" നടക്കുന്നതിനിടെയാണ് ഉണ്ടായത്. ഉത്സവം കാണാനെത്തിയ വലിയ ജനക്കൂട്ടത്തിനിടയിൽ മൂന്ന് പേർക്കാണ് മിന്നലേറ്റ് പരുക്കേറ്റത്. സംഭവ സമയത്ത് മഴയും പെയ്തിരുന്നതായി റിപ്പോർട്ടുകളുണ്ട്.

അതേസമയം, പാലക്കാട് ജില്ലയിൽ തന്നെ കൊപ്പം വിളത്തൂരിൽ മിന്നലേറ്റ് ഒരു ബെഡ് കമ്പനിക്ക് തീപിടിച്ചു. പാറക്കൽ മൂസയുടെ ഉടമസ്ഥതിയിലുള്ള സ്ഥാപനത്തിലാണ് അപകടം. വൈകിട്ട് 8.30 മണിയോടെയാണ് തീപിടുത്തമുണ്ടായത്. പട്ടാമ്പി ഫയർഫോഴ്‌സ് സ്ഥലത്തെത്തി തീയണക്കാനുള്ള ശ്രമം തുടരുകയാണ്.

Three people were injured after being struck by lightning during the Pooram festival at Erayur Sri Thiruvlayanad Temple in Pattambi. The incident occurred around 6 PM during the "Kalavaravu" ceremony. The injured were shifted to a private hospital, and their condition is reported to be stable. Heavy rain was also reported in the area at the time.