കണ്ണൂര്‍: സ്ഥാനാര്‍ഥി പട്ടികയില്‍ നിന്ന് തന്നെ തഴഞ്ഞതില്‍ അതൃപ്തി പരസ്യമാക്കി കെ. സുധാകരന്‍. സ്വതന്ത്രനായി മത്സരിക്കുമെന്നാണ് റിപ്പോര്‍ട്ടുകള്‍. ഇന്ന് ഉച്ചയ്ക്ക് 12 മണിക്ക് മാധ്യമങ്ങളെ കണ്ടേക്കും.

എം.പിമാര്‍ക്ക് സീറ്റില്ലെന്ന് നേതൃത്വം തീരുമാനിച്ചതുമുതല്‍ കടുത്ത അതൃപ്തിയിലാണ് സുധാകരന്‍. പിന്നാലെയാണ് കോണ്‍ഗ്രസ് പ്രവര്‍ത്തക സമിതിയില്‍ നിന്ന് രാജിവെച്ച് സ്വതന്ത്രനായി മത്സരിക്കാന്‍ തീരുമാനിച്ചതെന്നാണ് സൂചന. കോണ്‍ഗ്രസിന്റെ രണ്ടാംഘട്ട സ്ഥാനാര്‍ഥിപട്ടിക പുറത്തുവന്നാല്‍ ഉടന്‍ അദ്ദേഹം മാധ്യമങ്ങളെ കാണും.

ALSO READ: പത്രിക സമർപ്പണത്തിൽ ഒന്നാമനാകാൻ പിണറായി വിജയൻ; മുഖ്യമന്ത്രി ഇന്ന് നാമനിർദേശ പത്രിക സമർപ്പിക്കും

സീറ്റില്ലാതെ ഡല്‍ഹിയില്‍ നിന്ന് മടങ്ങില്ലെന്ന കര്‍ശന നിലപാടിലായിരുന്നു കെ. സുധാകരന്‍. അര്‍ദ്ധരാത്രി വരെ നീണ്ട ചര്‍ച്ചകളെ നിരീക്ഷിച്ച അദ്ദേഹം, സീറ്റില്ലെന്ന വാര്‍ത്തയോട് 'ബാക്കി നാളെ നോക്കാം' എന്ന് മാത്രമാണ് സഹായികളോട് പ്രതികരിച്ചത്. സുധാകരനില്‍ നിന്ന് വലിയൊരു പൊട്ടിത്തെറി ഉണ്ടാകുമോ എന്ന ഭയം സംസ്ഥാന നേതാക്കള്‍ക്കിടയിലുണ്ട്. അദ്ദേഹത്തെ അനുനയിപ്പിക്കാനുള്ള തീവ്രശ്രമങ്ങള്‍ ഹൈക്കമാന്‍ഡ് തുടരുകയാണ്. രമേശ് ചെന്നിത്തലയും മറ്റ് എം.പിമാരും സുധാകരനുമായി നേരിട്ട് ചര്‍ച്ച നടത്തിയെങ്കിലും അദ്ദേഹം വഴങ്ങിയില്ല. അദ്ദേഹം തന്റെ വിയോജിപ്പ് നേതൃത്വത്തെ അറിയിച്ചതായാണ് വിവരം. 

അതേസമയം, ബി.ജെ.പി നേതൃത്വം സുധാകരനെ സമീപിച്ചു. കെ. സുധാകരനെ കൂടാതെ അടൂര്‍ പ്രകാശും മത്സരിക്കാന്‍ താല്പര്യം പ്രകടിപ്പിച്ചിരുന്നു. എന്നാല്‍ ഇവരുമായി ബന്ധപ്പെട്ട കണ്ണൂര്‍, കോന്നി സീറ്റുകളില്‍ നിലവില്‍ സ്ഥാനാര്‍ഥികളെ പ്രഖ്യാപിച്ചിട്ടില്ല എന്നത് വലിയ ചര്‍ച്ചകള്‍ക്ക് വഴിവെച്ചിരിക്കുകയാണ്.

Senior Congress leader K. Sudhakaran has reportedly expressed strong dissatisfaction, sparking speculation over whether he might contest as an independent candidate. The development has created ripples within Kerala politics, especially within the Congress party.