കോഴിക്കോട്: രാസലഹരിയിൽ ഉമ്മയെ കൊലപ്പെടുത്തിയ ആഷിഖും ഇന്ന് ഭാര്യയെ കൊലപ്പെടുത്തിയ യാസിറും അടുത്ത സുഹൃത്തുക്കളാണെന്ന് സ്ഥിരീകരിക്കുന്നു. ഇരുവരും ഒരുമിച്ചുള്ള ചിത്രങ്ങൾ പുറത്ത് വന്നിട്ടുണ്ട്.

ആഷിഖിന്റെ അമ്മയുടെ കൊലപാതകം

താമരശ്ശേരി അടിവാരം സ്വദേശി സുബൈദയെ മകൻ ആഷിഖ്  വെട്ടി കൊലപ്പെടുത്തുകയായിരുന്നു. പണം ചോദിച്ചപ്പോൾ അമ്മ നൽകിയില്ല എന്നതാണ് സംഘർഷത്തിന് കാരണമെന്നു പൊലീസ് പറയുന്നു. "തനിക്ക് ജന്മം നൽകിയതിനുള്ള ശിക്ഷ" എന്നാണ് ആഷിഖ് കൊലപാതകത്തിനുള്ള കാരണമായി നാട്ടുകാരോട് പറഞ്ഞത്.ആഷിഖിന്റെ പിതാവ് അവന്റെ ഒന്നര വയസ്സിൽ വിവാഹബന്ധം വേർപെടുത്തി. അതിനുശേഷം കൂലിപ്പണിക്ക് പോയി സുബൈദ മകനെ വളർത്തി. എന്നാൽ ബ്രെയിൻ ട്യൂമർ ബാധിച്ചതിനെ തുടർന്ന് അടിവാരത്തെ സ്വന്തം വീട്ടിൽ നിന്നും ഇവർ സഹോദരിയുടെ വീട്ടിലേക്ക് താമസം മാറിയിരുന്നു.അവിടെയും ആഷിഖ് പ്രശ്നങ്ങൾ സൃഷ്ടിച്ചിരുന്നു.അതോടെ പുതുപ്പാടിയിൽ താമസിക്കുന്ന സഹോദരിക്ക് അടുത്തേക്ക് മാറി. മകനോട് ഒപ്പം താമസിക്കാനുള്ള ആഗ്രഹമാണ് വിനയായതെന്ന് അയൽവാസികൾ പറയുന്നത്.

യാസിറിന്റെ ഭാര്യയുടെ കൊലപാതകം

ഇന്ന് താമരശ്ശേരി ഈങ്ങാപ്പുഴ കക്കാട് പ്രദേശത്ത് കുടുംബ വഴക്കിനെ തുടർന്ന് യാസിർ തന്റെ ഭാര്യ ഷിബിലയെ വെട്ടിക്കൊലപ്പെടുത്തുകയായിരുന്നു.മയക്കുമരുന്ന് ലഹരിയിലാണ് പ്രതി ആക്രമണം നടത്തിയത്.ആക്രമണത്തിൽ ഷിബിലയുടെ മാതാപിതാക്കളായ അബ്ദുറഹ്മാനും ഹസീനയും ഗുരുതരമായി പരുക്കേറ്റ് ആശുപത്രിയിൽ ചികിത്സയിൽ കഴിയുകയാണ്.യാസിർ മയക്കുമരുന്ന് ലഹരിയിലായിരുന്നു എന്നാണ് പൊലീസിന്റെ പ്രാഥമിക നിഗമനം. നേരത്തെയും ഷിബിലയെ മർദിച്ചിരുന്നതായി കുടുംബം പരാതിപ്പെട്ടിരുന്നതായും എന്നാൽ പൊലീസ് നടപടിയെടുക്കാത്തതായും ആരോപണമുണ്ട്.

ഇരു കേസുകളിലും മയക്കുമരുന്നിന്റെ ഉപയോഗം ഒരു പ്രധാന ഘടകമായിരിക്കുമെന്ന് അന്വേഷണ സംഘം വിലയിരുത്തുന്നു.

Ashiq, who murdered his cancer-stricken mother, and Yasir, who hacked his wife to death, were close friends. Their pictures together have surfaced, raising concerns about their connections.Both cases point to drug abuse as a common factor.