കൊല്ലം: പെന്‍ഷന്‍ വീട്ടില്‍ എത്തിച്ചു കൊടുക്കുന്ന സംസ്ഥാന സര്‍ക്കാരിന്റെ പദ്ധതിയുടെ പരിപൂര്‍ണമായ ഉത്തരവാദിത്തം കുടുംബശ്രീ പ്രവര്‍ത്തകരെ ഏല്‍പ്പിക്കുമെന്നും പെന്‍ഷന്‍വിതരണത്തിന് തെരഞ്ഞെടുക്കുന്ന കുംബശ്രീ പ്രവര്‍ത്തകര്‍ക്ക് നിശ്ചിത ഫീസ് സര്‍ക്കാര്‍ നല്‍കുമെന്നും വാഗ്ദാനം നല്‍കിയിട്ട് ഒടുവില്‍ വാക്ക് പാലിക്കാതെ സംസ്ഥാന സര്‍ക്കാര്‍ വഞ്ചിച്ചിരിക്കുകയാണെന്ന് നെഹ്‌റു ഫൗണ്ടേഷന്‍ ജില്ലാ കമ്മിറ്റി.
സംസ്ഥാന സര്‍ക്കാര്‍ വാഗ്ദാനം പാലിക്കുമെന്ന വിശ്വാസത്താല്‍ സംസ്ഥാനത്ത് ആയിരക്കണക്കിന് എ.ഡി.എസ് പ്രവര്‍ത്തകര്‍ പെന്‍ഷന്‍ വിതരണം സുഗമമാക്കുന്നതിനായി വളരെയധികം കഷ്ടപ്പെട്ടിരുന്നു. പെന്‍ഷന്‍ ഗുണഭോക്താക്കളുടെ സര്‍വേ വാര്‍ഡ് അടിസ്ഥാനത്തില്‍ പൂര്‍ത്തിയാക്കി പഞ്ചായത്തുകള്‍ക്ക് കൊടുത്തത് കുടുംബശ്രീ പ്രവര്‍ത്തകരായിരുന്നു.
പ്രസിഡന്റ് കെ.എസ്.പുരം സുധീര്‍ ഉദ്ഘാടനം ചെയ്തു. അഡ്വ.വി.ബിനു അധ്യക്ഷനായി. രാജേഷ് ഓച്ചിറ, അഡ്വ:ഫിലിപ്പ്, തോമസ്‌രാജ്, നെജിം ക്ലാപ്പന തുടങ്ങിയവര്‍ സംസാരിച്ചു.