തിരുവനന്തപുരം: എസ്എസ്എൽസി, പ്ലസ് ടു പരീക്ഷകൾ ഇന്ന് അവസാനിക്കും. പരീക്ഷ കഴിയുന്ന ദിവസം ആഘോഷങ്ങൾ അനുവദനീയമല്ലെന്നും സ്കൂൾ പരിസരത്ത് കർശനമായ പൊലീസ് സുരക്ഷ ഉണ്ടായിരിക്കുമെന്നും അറിയിച്ചു. മൂല്യനിർണയ ക്യാമ്പ് ഏപ്രിൽ 3-ന് ആരംഭിക്കും, ഫലപ്രഖ്യാപനം മെയ് മൂന്നാം വാരം നടക്കും. പരീക്ഷ അവസാനിക്കുന്ന ദിവസം സ്കൂളുകളിൽ വിദ്യാർഥികൾ തമ്മിലുള്ള സംഘർഷം ഒഴിവാക്കാൻ കർശന നിയന്ത്രണങ്ങൾ ഏർപ്പെടുത്തിയിട്ടുണ്ട്. 

വിദ്യാഭ്യാസ വകുപ്പിന്റെ ഉത്തരവ് പ്രകാരം, പരീക്ഷ അവസാനിക്കുന്ന ദിവസമോ സ്കൂൾ അവസാനിക്കുന്ന ദിവസമോ ആഘോഷ പരിപാടികൾ നടത്താൻ പാടില്ല. ആഘോഷങ്ങൾ അതിരുവിട്ട് അക്രമാസക്തമാകുന്നുവെന്ന പരാതികൾ പരിഗണിച്ചാണ് ഈ നിർദേശം. പരീക്ഷ കഴിഞ്ഞ് വിദ്യാർഥികൾ കൂട്ടംകൂടുകയോ ആഘോഷങ്ങൾ നടത്തുകയോ ചെയ്യുന്നില്ലെന്ന് അധ്യാപകർ ഉറപ്പാക്കണം. ആവശ്യമെങ്കിൽ, സ്കൂൾ ബാഗുകൾ പരിശോധിക്കാൻ അധ്യാപകർക്ക് അനുമതിയുണ്ട്. സംസ്ഥാനത്തെ എല്ലാ സ്കൂൾ പരിസരങ്ങളും പൊലീസിന്റെ കർശന നിരീക്ഷണത്തിലായിരിക്കും. താമരശ്ശേരിയിൽ ട്യൂഷൻ സെന്ററിന്റെ വിടവാങ്ങൽ പരിപാടിയിൽ ഉണ്ടായ സംഘർഷത്തിൽ പത്താം ക്ലാസ് വിദ്യാർത്ഥി മരിച്ച സംഭവത്തിന്റെ പശ്ചാത്തലത്തിലാണ് ജാഗ്രത കർശനമാകമാക്കിയത്. വിദ്യാർത്ഥികളുടെ സംഘർഷങ്ങളും വർദ്ധിച്ചുവരുന്ന ലഹരിവസ്തുക്കളുടെ ദുരുപയോഗവും സംബന്ധിച്ച ആശങ്കകൾ കർശന നടപടികൾക്ക് കാരണമായി. കഴിഞ്ഞ വർഷം, വിദ്യാർത്ഥികൾക്കിടയിലെ അക്രമാസക്തമായ സംഘർഷങ്ങൾ കാരണം സ്കൂൾ സ്വത്തുക്കൾക്ക് കേടുപാടുകൾ വരികയും, പോലീസ് ഇടപെടൽ ആവശ്യമായും വന്നു. 

SSLC and Plus Two exams conclude today, March 25, 2025. Celebrations are banned on the last day, with strict police monitoring around schools. Evaluation camps begin on April 3, and results are expected in the third week of May. Measures are in place to prevent student conflicts, prompted by past incidents, including a fatal clash in Thamarassery and rising concerns over violence and drug misuse among students.