തെക്കൻ കൊറിയയിൽ കാട്ടുതീ പടരുന്നു. തെക്കൻ പ്രദേശങ്ങളിൽ പടർന്ന കാട്ടുതീയിൽ 24 പേർ മരിച്ചതായി ഏറ്റവും ഒടുവിലെ റിപ്പോർട്ടുകൾ വ്യക്തമാക്കുന്നു. സൈന്യത്തിന്റെ സഹായത്തോടെ തീ അണയ്ക്കാനുള്ള ശ്രമങ്ങൾ തുടരുകയാണ്. ഇതുവരെ 30,000ലധികം പേരെ സുരക്ഷിതമായ സ്ഥലങ്ങളിലേക്ക് മാറ്റിയതായി അധികൃതർ അറിയിച്ചു. 250-ലധികം കെട്ടിടങ്ങൾ കത്തിനശിച്ചപ്പോള്‍ നിരവധി വീടുകൾ, ഫാക്ടറികൾ, വാഹനങ്ങൾ എന്നിവയും തീയിൽ പൂർണമായി നശിച്ചു.

നാഷണൽ ഹെറിറ്റേജ് ഡിപ്പാർട്ട്മെന്റിന്റെ അറിയിപ്പ് പ്രകാരം, 1300 വർഷം പഴക്കമുള്ള ഗൗൺസ് ബുദ്ധക്ഷേത്രവും തീയിൽ കത്തിനശിച്ചു. ക്ഷേത്രത്തിൽ സൂക്ഷിച്ചിരുന്ന ചില വിലപ്പെട്ട നിധികൾ രക്ഷപ്പെടുത്തിയെങ്കിലും വലിയ നഷ്ടം സംഭവിച്ചിട്ടുണ്ടെന്ന് അധികൃതർ അറിയിച്ചു.

കഴിഞ്ഞ വെള്ളിയാഴ്ചയായിരുന്നു തീപിടിത്തം ആരംഭിച്ചത്. ഇതുവരെ 43,330 ഏക്കറോളം പ്രദേശം കത്തിനശിച്ചിട്ടുണ്ട്. കാട്ടുതീ നിയന്ത്രണവിധേയമാക്കാൻ സൈന്യവും അഗ്നിശമന സേനയും ഒരുമിച്ച് പ്രവർത്തിച്ചുവരുന്നു. 130 ഹെലികോപ്റ്ററുകൾ, 4,650 അഗ്നിശമന സേനാംഗങ്ങൾ, സൈനികർ തുടങ്ങിയവരുടെ നേതൃത്വത്തിൽ രക്ഷാപ്രവർത്തനം തുടരുകയാണ്. ദക്ഷിണകൊറിയൻ ഭരണകൂടം ഇത് രാജ്യത്തെ ഏറ്റവും വലിയ കാട്ടുതീ അപകടങ്ങളിലൊന്നാണെന്ന് അറിയിക്കുകയും തീ പൂർണമായും അണയ്ക്കാൻ എല്ലാ ശ്രമങ്ങളും നടത്തുന്നുണ്ടെന്ന് വ്യക്തമാക്കുകയും ചെയ്തു.

Massive wildfires continue to spread across southern South Korea, claiming 24 lives and displacing over 30,000 people. More than 250 buildings have been destroyed, including the historic 1300-year-old Gaun-sa Buddhist temple. Firefighting efforts involving 130 helicopters and 4,650 personnel are ongoing, but the blaze remains uncontrolled.