അബൂദബി: മാനവവിഭവശേഷി സ്വദേശി വൽക്കരണ മന്ത്രാലയത്തിന്റെ (MOHRE) ഔദ്യോഗിക വെബ്സൈറ്റിൽ പറയുന്നത് പ്രകാരം, ഗാർഹിക തൊഴിലാളികൾക്കുള്ള വേതന സംരക്ഷണ സംവിധാനം (WPS) മന്ത്രാലയം ഔദ്യോഗികമായി അംഗീകരിച്ച ഇലക്ട്രോണിക് സംവിധാനമാണ്. ഇത് യുഎഇ സെൻട്രൽ ബാങ്ക് അംഗീകരിച്ചതും അംഗീകാരം നൽകിയതുമായ ബാങ്കുകൾ, എക്സ്ചേഞ്ച് ഹൗസുകൾ, ധനകാര്യ സ്ഥാപനങ്ങൾ എന്നിവ വഴി വീട്ടുജോലിക്കാർക്ക് വേതനം നൽകാൻ തൊഴിലുടമകളെ സഹായിക്കുന്നു.

WPS ന്റെ ​ഗുണങ്ങൾ 

1) ഇതിലൂടെ വേതനം നൽകിയെന്ന് തെളിയിക്കാൻ തൊഴിലുടമക്ക് സാധിക്കുന്നു.

2) വേതനകൈമാറ്റം എളുപ്പമാക്കുന്നു.

3) കൃത്യമസയത്ത് വേതനവിതരണം നടക്കുന്നുവെന്ന് ഉറപ്പാക്കുന്നു. 

WPS  പ്രകാരം തൊഴിലുടമക്ക് രണ്ട് രീതിയിൽ വേതനം നൽകാവുന്നതാണ്

യുഎഇ സെൻട്രൽ ബാങ്ക് അനുമതി നൽകിയ ബാങ്കുകൾ, എക്സ്ചേഞ്ച് ഹൗസുകൾ, അംഗീകൃത ധനകാര്യ സ്ഥാപനങ്ങൾ എന്നിവയിലൂടെയുള്ള വേതന കൈമാറ്റം. 

ബാങ്കുകൾ, എക്സ്ചേഞ്ച് ഹൗസുകൾ, അംഗീകൃത ധനകാര്യ സ്ഥാപനങ്ങൾ എന്നിവ വാഗ്ദാനം ചെയ്യുന്ന സ്മാർട്ട് ആപ്ലിക്കേഷനുകൾ ഉപയോ​ഗിച്ചുള്ള ഇലക്ട്രോണിക് വേതന കൈമാറ്റം.

WPS രജിസ്ട്രേഷനാവശ്യമായ രേഖകൾ

1) തൊഴിലുടമയുടെ എമിറേറ്റ്സ് ഐഡി.

2) വീട്ടുജോലിക്കാരന്റെ എമിറേറ്റ്സ് ഐഡി.

3) സെൻട്രൽ ബാങ്ക് അധികാരപ്പെടുത്തിയ WPS ഏജന്റുമാരിൽ ഒരാളിൽ നിന്നുള്ള രജിസ്ട്രേഷൻ.

WPS ന്റെ പരിധിയിൽ വരുന്ന തൊഴിലുകൾ

ഗാർഹിക തൊഴിലാളി നിയമപ്രകാരം പട്ടികപ്പെടുത്തിയിരിക്കുന്ന എല്ലാ ഗാർഹിക തൊഴിലുകളും WPS-ന്റെ പരിധിയിൽ വരും. വീട്ടുജോലിക്കാരി, നാവികൻ, ആയ, പാചകം ചെയ്യുക, കാവൽ, സ്വകാര്യ ഡ്രൈവർ, ഇടയൻ, സ്റ്റേബിൾമാൻ, ഒട്ടക പരിശീലകൻ, ഫാൽക്കണർ,തൊഴിലാളി, വേലക്കാരി, കർഷകൻ, തോട്ടക്കാരൻ, സ്വകാര്യ പരിശീലകൻ, സ്വകാര്യ അധ്യാപകൻ, ഹോം കെയർഗിവർ, സ്വകാര്യ പ്രതിനിധി, സ്വകാര്യ കാർഷിക എഞ്ചിനീയർ തുടങ്ങിയ തൊഴിലുകളെല്ലാം WPS ന് കീഴിൽ വരുന്നതാണ്. 

The UAE has introduced a new wage law making the Wage Protection System (WPS) mandatory for paying domestic workers' salaries. Employers must now use WPS-approved banks, exchange houses, or financial institutions to ensure timely and transparent salary transfers. This move aims to protect workers' rights and prevent payment delays.