പോർച്ചുഗീസ് ഇതിഹാസതാരം ക്രിസ്റ്റ്യാനോ റൊണാൾഡോയെ കളിക്കളത്തിൽ നേരിട്ടതിനെകുറിച്ചുള്ള അനുഭവം പങ്കുവെച്ചിരിക്കുകയാണ് ബാഴ്സലോണയുടെ ജർമൻ ഗോൾ കീപ്പർ ആന്ദ്രേ ടെർ സ്റ്റീഗൻ. റൊണാൾഡോ തനിക്കെതിരെ ഗോൾ നേടിയിട്ടുണ്ടെങ്കിലും അതൊന്നും അസാധാരണമായി തോന്നിയിട്ടില്ലെന്നാണ് സ്റ്റീഗൻ പറഞ്ഞത്. റയൽ മാഡ്രിഡിനായി റൊണാൾഡോ നടത്തിയ മികച്ച പ്രകടനങ്ങളെക്കുറിച്ചും ബാഴ്സ ഗോൾ കീപ്പർ സംസാരിച്ചു. ബാഴ്സ യൂണിവേഴ്സലിന് നൽകിയ അഭിമുഖത്തിലാണ് ജർമൻ താരം ഇക്കാര്യം പറഞ്ഞത്. 

''റൊണാൾഡോ എനിക്കെതിരെ പല മത്സരങ്ങളിലായി കുറച്ചു ഗോളുകൾ നേടിയിട്ടുണ്ട്. എന്നാൽ ഒരു നിമിഷങ്ങളിൽ പോലും ഇത് അസാധാരണമായ ഒന്നായിരുന്നുവെന്ന് ഞാൻ പറഞ്ഞിട്ടില്ല. അദ്ദേഹം മികച്ച ഒരു താരമാണ്. റയൽ മാഡ്രിഡിന് ആവശ്യമുള്ളപ്പോഴെല്ലാം അദ്ദേഹം ടീമിന്റെ കൂടെ എപ്പോഴും ഉണ്ടായിരുന്നു'' ടെർ സ്റ്റീഗൻ പറഞ്ഞു. 

റയൽ മാഡ്രിഡിനൊപ്പം ഒമ്പത് സീസണുകളിൽ പന്തുതട്ടിയ റൊണാൾഡോ അഞ്ചു മത്സരങ്ങളിലാണ് ടെർ സ്റ്റീഗനെ നേരിട്ടുള്ളത്. ഇതിൽ രണ്ട് ഗോളുകൾ നേടാനും റൊണാൾഡോക്ക് സാധിച്ചു. ഈ അഞ്ചു മത്സരങ്ങളിൽ ഒരു മത്സരം മാത്രമാണ് റൊണാൾഡോക്ക് വിജയിക്കാൻ സാധിച്ചത്. രണ്ട് മത്സരങ്ങൾ പരാജയപ്പെടുകയും ഒരു മത്സരം സമനിലയിൽ പിരിയുകയും ചെയ്തു 

2009ലാണ് റൊണാൾഡോ മാഞ്ചസ്റ്റർ യുണൈറ്റഡ് വിട്ട് റയൽ മാഡ്രിഡിൽ എത്തുന്നത്. റയലിനൊപ്പം ഐതിഹാസികമായ ഒരു ഫുട്ബോൾ യാത്രയാണ് റൊണാൾഡോ നടത്തിയത്. റയലിൽ  നിന്നും 2018ൽ യുവന്റസിലേക്കും റൊണാൾഡോ കൂടുമാറുകയായിരുന്നു.

2021ൽ റൊണാൾഡോ വീണ്ടും തന്റെ പഴയ തട്ടകമായ മാഞ്ചസ്റ്റർ യുണൈറ്റഡിലേക്ക് മടങ്ങി എത്തിയിരുന്നു. പിന്നീട് 2023ൽ റൊണാൾഡോ സഊദി ക്ലബായ അൽ നസറിലേക്കും ചേക്കേറുകയായിരുന്നു. അൽ നസറിനൊപ്പം ഇതിനോടകം തന്നെ റൊണാൾഡോ അൽ നസറിനായി 94 ഗോളുകളാണ് റൊണാൾഡോ നേടിയിട്ടുള്ളത്. ഈ സീസണിൽ 21 ഗോളുകളാണ് റൊണാൾഡോ അൽ നസറിനായി നേടിയത്. 

Ter Stegen says Cristiano Ronaldo was there for Real Madrid whenever they needed him