കൊച്ചി: രണ്ട് ദിവസത്തെ സന്ദര്‍ശനത്തിനായി ഉപരാഷ്ട്രപതി ഇന്ന് കൊച്ചിയിലെത്തും. ഉച്ചയ്ക്ക് ശേഷം നാവിക സേനാ വിമാനത്താവളത്തില്‍ എത്തുന്ന ഉപരാഷ്ട്രപതി ജഗ്ദീപ് ധന്‍കര്‍ ഇന്ന് കൊച്ചിയിലാകും താമസിക്കുക. പത്‌നി സുദേഷ് ധന്‍കറും ഉപരാഷ്ട്രപതിക്കൊപ്പം ഉണ്ടാകും.

ALSO READ: ക്യാപ്റ്റനും മേജറുമല്ല, കർമഭടൻമാരാണ് കോൺഗ്രസിന് വേണ്ടത്: മുല്ലപ്പള്ളി

ഗുരുവായൂര്‍ സന്ദര്‍ശനത്തിനായി ഉപരാഷ്ട്രപതി നാളെ തൃശൂരിലേക്ക് പോകും. തിരിച്ചെത്തുന്ന അദ്ദേഹം നാഷണല്‍ യൂണിവേഴ്‌സിറ്റി ഓഫ് അഡ്വാന്‍സ്ഡ് ലീഗല്‍ സ്റ്റഡീസിലെ വിദ്യാര്‍ഥികളുമായി സംവദിക്കും.

നഗരത്തില്‍ ഇന്നും നാളെയും ഗതാഗത നിയന്ത്രണം

ഉപരാഷ്ട്രപതി ജഗ്ദീപ് ധന്‍കറിന്റെ സന്ദര്‍ശനത്തോടനുബന്ധിച്ച് നഗരത്തില്‍ ഇന്നും നാളെയും ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്.  

ALSO READ: രജിസ്റ്റാറുടെ സസ്‌പെന്‍ഷന്‍; കേരള സര്‍വകലാശാല അടിയന്തര സിന്‍ഡിക്കേറ്റ് യോഗം ഇന്ന്

ഇന്ന് (ജൂലൈ 6) ഉച്ചയ്ക്ക് 2 മണി മുതല്‍ നേവല്‍ ബേസ്, എംജി റോഡ്, ഹൈക്കോടതി, ബോള്‍ഗാട്ടി എന്നീ പ്രദേശങ്ങളില്‍ ഗതാഗത നിയന്ത്രണം ഏര്‍പ്പെടുത്തും. നാളെ (ജൂലൈ 7) രാവിലെ 8 മണി മുതല്‍ ഉച്ചയ്ക്ക് 1 മണി വരെ നാഷണല്‍ ഹൈവേ 544, കളമശേരി എസ്സിഎംഎസ്എച്ച്എംടി, സീപോര്‍ട്ട്എയര്‍പോര്‍ട്ട് റോഡ്, തോഷിബ ജംക്ഷന്‍, മെഡിക്കല്‍ കോളജ് റോഡ്, കളമശേരി ന്യൂവാല്‍സ് എന്നിവിടങ്ങളിലും ഗതാഗതം നിയന്ത്രിക്കും.