ദുബൈ: പ്രവാസി തൊഴിലാളികളുടെ പാസ്‌പോര്‍ട്ട് വിവരങ്ങള്‍ ഇനി അബ്‌ഷെര്‍ പ്ലാറ്റ്‌ഫോമിലൂടെ പുതുക്കാം. ഇതിനായി പുതിയ സേവനം അവതരിപ്പിച്ചിരിക്കുകയാണ് സഊദി അറേബ്യ. ഇത് പ്രകാരം പാസ്‌പോര്‍ട് സേവനങ്ങള്‍ക്ക് ഇനി ജനറല്‍ ഡയറക്ടറേറ്റ് ഓഫ് പാസ്‌പോര്‍ട്ട്‌സ് (ജവാസത്ത്) ഓഫിസില്‍ നേരിട്ട് ഹാജരാകേണ്ട ആവശ്യമില്ല. ഈ സേവനങ്ങള്‍ക്ക് വാറ്റ് ഉള്‍പ്പെടെ 69 സഊദി റിയാലാണ് ഫീസായി ഈടാക്കുക. സഊദിയിലെ ഡിജിറ്റല്‍ ഗവേണന്‍സ് സംവിധാനങ്ങള്‍ ഏറ്റവും മികച്ചതാക്കുന്നതിനുള്ള ശ്രമങ്ങളുടെ ഭാഗമാണിതെന്നും അധികൃതര്‍ വ്യക്തമാക്കി.

ഒരാൾക്ക് അഞ്ച് വർഷത്തിലൊരിക്കൽ മാത്രമേ ഓൺലൈൻ അപ്‌ഡേറ്റ് സേവനം ഉപയോഗിക്കാൻ കഴിയൂ. ആ കാലയളവിനുള്ളിൽ ഇയാൾ ഒരു അധിക പാസ്‌പോർട്ട് നേടിയിട്ടുണ്ടെങ്കിൽ, അല്ലെങ്കിൽ മുമ്പത്തെ പാസ്‌പോർട്ട് നഷ്ടപ്പെട്ടിട്ടുണ്ടെങ്കിൽ, ജവാസാത്ത് ഓഫിസിൽ നേരിട്ടെത്തേണ്ടതുണ്ട്. അതേസമയം, നഷ്ടപ്പെട്ട പാസ്‌പോർട്ടിനായി ആരെങ്കിലും ഈ സേവനം ഉപയോഗിക്കാൻ ശ്രമിച്ചാൽ, ബാധകമായ നിയമങ്ങളും ചട്ടങ്ങളും പ്രകാരം അയാൾ നിയമനടപടികൾ നേരിടേണ്ടി വരും.

Saudi Arabia has introduced a new Absher service allowing employers to update expatriate workers' passport details online, eliminating in-person visits to the General Directorate of Passports (Jawazat). The service costs SAR 69 (including VAT) and is part of the Kingdom's efforts to enhance digital governance. Stay updated on the latest expat-friendly services in Saudi Arabia!