കുവൈത്തിലെ ജനസംഖ്യ 2025-ന്റെ മധ്യത്തോടെ അഞ്ച് ദശലക്ഷം (5.098 ദശലക്ഷം) കടന്നതായി പബ്ലിക് അതോറിറ്റി ഫോർ സിവിൽ ഇൻഫർമേഷൻ വെളിപ്പെടുത്തി. ഇതിൽ 30% കുവൈത്ത് പൗരന്മാരാണ്, അതായത് ഏകദേശം 1.55 ദശലക്ഷം പേർ. ബാക്കി 70% പേരും വിദേശികളാണ് (3.547 ദശലക്ഷം).

17% ജനസംഖ്യ 15 വയസ്സിന് താഴെയുള്ളവരാണ്, 80% 15-നും 64-നും ഇടയിലുള്ളവർ, 3% മാത്രം 65 വയസ്സിന് മുകളിലുള്ളവർ. ആകെ ജനസംഖ്യയിൽ 61% പുരുഷന്മാരാണ് (3.09 ദശലക്ഷം), സ്ത്രീകൾ 2 ദശലക്ഷം. ഏറ്റവും വലിയ പ്രായപരിധി 35 നും 39 നും ഇടയിൽ പ്രായമുള്ളവരാണ്, ഇത് ജനസംഖ്യയുടെ 13% വരും. 

വിദേശികളിൽ 1.036 ദശലക്ഷം പേരുമായി (29%) ഇന്ത്യക്കാരാണ് മുന്നിൽ. 661,000 (19%) പേരുമായി ഈജിപ്ഷ്യൻമാരാണ് തൊട്ടുപിന്നിൽ. ജനസംഖ്യയിൽ 4.05 ദശലക്ഷം പേർ സ്വകാര്യ വീടുകളിലും 1.04 ദശലക്ഷം പേർ പങ്കിട്ട അല്ലെങ്കിൽ സംഘടിത താമസസ്ഥലങ്ങളിലും ജീവിക്കുന്നു.

ALSO READ: ലോകത്തിലെ ഏറ്റവും സുരക്ഷിതമായ രാജ്യങ്ങളുടെ പട്ടിക: ആൻഡോറയെ വീഴ്ത്തി ലോകത്തിലെ ഏറ്റവും സുരക്ഷിത രാജ്യമായി യുഎഇ

തൊഴിൽ മേഖല

കുവൈത്തിന്റെ തൊഴിൽ വിപണിയിൽ 2.283 ദശലക്ഷം പേർ ജോലി ചെയ്യുന്നു. ഇതിൽ 520,000 പേർ സർക്കാർ മേഖലയിലും 1.76 ദശലക്ഷം പേർ സ്വകാര്യ മേഖലയിലും. തൊഴിലാളികൾ ആകെ ജനസംഖ്യയുടെ 45% ആണ്.

സർക്കാർ ജീവനക്കാരിൽ 75.5% കുവൈത്ത് പൗരന്മാരാണ്, തൊട്ടുപിന്നാലെ ഇന്ത്യക്കാരും ഈജിപ്ഷ്യൻമാരും. സ്വകാര്യ മേഖലയിൽ ഇന്ത്യക്കാർ 31.2%-ഉം ഈജിപ്ഷ്യൻമാർ 24.8%-ഉം വരുന്നു, കുവൈത്ത് പൗരന്മാർ 3.8% മാത്രം.

കുവൈത്ത് പുരുഷന്മാരുടെ തൊഴിൽ പങ്കാളിത്ത നിരക്ക് 32% ആണ്. കുവൈത്ത് സ്ത്രീകളിൽ 31% തൊഴിലെടുക്കുന്നു, ബാക്കിയുള്ളവർ തൊ ഴിൽ മേഖലക്ക് പുറത്താണ്. എന്നിരുന്നാലും, കുവൈത്ത് തൊഴിൽശക്തിയിൽ പകുതി സ്ത്രീകളാണ്.

ALSO READ: യുഎഇ: 2025 ന്റെ ആ​ദ്യ പകുതിയിൽ രേഖപ്പെടുത്തിയത് 32,000-ലേറെ വിസാ ലംഘനങ്ങൾ

ഗാർഹിക തൊഴിലാളികളും വൈവാഹിക നിലയും

കുവൈത്തിലെ ഗാർഹിക തൊഴിൽ മേഖലയിൽ 10 രാജ്യങ്ങളിൽ നിന്നുള്ള 822,000 തൊഴിലാളികളുണ്ട്, ഇതിൽ 58.2% സ്ത്രീകൾ. ഇവർ ആകെ തൊഴിൽശക്തിയുടെ 26%-ഉം ജനസംഖ്യയുടെ 16%-ഉം വരും. ഇന്ത്യക്കാർ 41.3%-ഉം, തൊട്ടുപിന്നിൽ ഫിലിപ്പിനോകളും ശ്രീലങ്കക്കാരുമാണ്.

വൈവാഹിക നിലയിൽ, 2.3 ദശലക്ഷം പേർ വിവാഹിതരാണ്, 1.7 ദശലക്ഷം പേർ അവിവാഹിതർ. വിവാഹമോചിതരുടെ എണ്ണം 125,000-ത്തോളമാണ്, കുവൈത്ത് വനിതകൾ വിദേശ വനിതകളെ അപേക്ഷിച്ച് ഇരട്ടി വിവാഹമോചിതരാണ്.

According to the Public Authority for Civil Information, Kuwait's population exceeded 5.098 million by mid-2025. Of this, 30% (approximately 1.55 million) are Kuwaiti citizens, while the remaining 70% (3.547 million) are expatriates.