ലോകത്തിലെ ഏറ്റവും സുരക്ഷിതമായ രാജ്യങ്ങളുടെ റാങ്കിംഗിൽ യുഎഇ വീണ്ടും ഒന്നാം സ്ഥാനം കരസ്ഥമാക്കി. ക്രൗഡ് സോഴ്‌സ്ഡ് ഓൺലൈൻ ഡാറ്റാബേസായ നംബിയോയുടെ 'സേഫ്റ്റി ഇൻഡക്സ് ബൈ കൺട്രി 2025 മിഡ്-ഇയർ' പ്രകാരം, യുഎഇ 85.2 പോയിന്റുകൾ നേടി.

ആൻഡോറ, ഖത്തർ, തായ്‌വാൻ, മകാവോ (ചൈന) എന്നിവയാണ് സുരക്ഷാ സൂചികയിൽ ആദ്യ അഞ്ച് സ്ഥാനങ്ങളിൽ ഇടംനേടിയ മറ്റ് രാജ്യങ്ങൾ. 200-ലധികം രാജ്യക്കാരുള്ള യുഎഇ, ജീവിത നിലവാരത്തിനും സുരക്ഷയ്ക്കും പേര് കേട്ടതാണ്. 2025 മാർച്ചിലെ നംമ്പിയോയുടെ സുരക്ഷാ സൂചികയിൽ യുഎഇ രണ്ടാം സ്ഥാനത്തായിരുന്നു, അതേസമയം ആൻഡോറ ഒന്നാമതെത്തി.

ALSO READ: യുഎഇ: 2025 ന്റെ ആ​ദ്യ പകുതിയിൽ രേഖപ്പെടുത്തിയത് 32,000-ലേറെ വിസാ ലംഘനങ്ങൾ

2025 മിഡ് ഇയർ പട്ടികയിൽ, ആൻഡോറ 84.8 പോയിന്റോടെ രണ്ടാം സ്ഥാനത്തും, ഖത്തർ 84.6 പോയിന്റോടെ മൂന്നാം സ്ഥാനത്തും, തായ്‌വാനും മകാവോയും തൊട്ടുപിന്നാലെയുമാണ്.

സഊദി അറേബ്യ 14-ാം സ്ഥാനത്തും ബഹ്‌റൈൻ 15-ാം സ്ഥാനത്തും നിൽക്കുന്നു. കുവൈത്ത് 38-ാം സ്ഥാനത്തും ജോർദാൻ 54-ാം സ്ഥാനത്തുമാണ്. പാകിസ്ഥാൻ 62-ാം സ്ഥാനത്തും, ഫിലിപ്പീൻസും ഇന്ത്യയും യഥാക്രമം 66, 67 സ്ഥാനങ്ങളിലുമാണ്. യുകെ 51.6 പോയിന്റോടെ 86-ാം സ്ഥാനത്തും, യുഎസ് 50.8 പോയിന്റോടെ 91-ാം സ്ഥാനത്തുമാണ്.

ALSO READ: സഊദി അറേബ്യയിൽ ആപ്പിൾ ഓൺലൈൻ സ്റ്റോർ: അറബിക് ഭാഷയിൽ സേവനം

കഴിഞ്ഞ വർഷം, ഇക്കണോമിസ്റ്റ് ഇന്റലിജൻസ് യൂണിറ്റിന്റെ (ഇഐയു) 2024 ഗ്ലോബൽ ലിവബിലിറ്റി ഇൻഡക്സ് പ്രകാരം, യുഎഇയിലെ അബൂദബിയും ദുബൈയും മിഡിൽ ഈസ്റ്റിലെയും ആഫ്രിക്കയിലെയും ഏറ്റവും ജീവിതയോ​ഗ്യമായ നഗരങ്ങളായി തുടർന്നു. ആരോഗ്യ സംരക്ഷണത്തിലും വിദ്യാഭ്യാസത്തിലും മെച്ചപ്പെട്ട സ്കോറുകളോടെ ദുബൈ രണ്ടാം സ്ഥാനത്തെത്തി.

നമ്പിയോ വെബ്‌സൈറ്റിന്റെ 'ക്രൈം ആൻഡ് സേഫ്റ്റി ഇൻഡക്സ്' പ്രകാരം, അബൂദബി ലോകത്തിലെ ഏറ്റവും സുരക്ഷിത നഗരങ്ങളിലൊന്നാണ്. 88.2 പോയിന്റോടെ സുരക്ഷാ സൂചികയിൽ അബൂദബി ഒന്നാം സ്ഥാനത്തെത്തി, 11.8 പോയിന്റോടെ ക്രൈം സൂചികയിൽ ഏറ്റവും കുറഞ്ഞ സ്കോർ നേടി. അതേസമയം, ദുബൈ ലോകത്തിലെ ഏറ്റവും സുരക്ഷിത നഗരങ്ങളുടെ പട്ടികയിൽ അഞ്ചാം സ്ഥാനത്താണ്.

The UAE has reclaimed the title of the world's safest country in Numbeo's 'Safety Index by Country 2025 Mid-Year,' scoring 85.2 points. The crowd-sourced online database highlights UAE's exceptional safety and security, reinforcing its reputation as a premier destination for residents and visitors.