അഹമ്മദാബാദ്: ഗുജറാത്തിലെ കച്ച് ജില്ലയിൽ വനിതാ അസിസ്റ്റന്റ് സബ് ഇൻസ്‌പെക്ടർ (എഎസ്ഐ) അരുണ നതുഭായ് ജാദവിനെ (38) ലിവ്-ഇൻ പങ്കാളിയായ സെൻട്രൽ റിസർവ് പോലീസ് ഫോഴ്‌സ് (സിആർപിഎഫ്) ജവാൻ ദിലീപ് ഡാങ്‌ചി (32) കൊലപ്പെടുത്തി. കൊലപാതകത്തിന് ശേഷം ദിലീപ്, അരുണ ജോലി ചെയ്തിരുന്ന അഞ്ജർ പൊലീസ് സ്റ്റേഷനിൽ കീഴടങ്ങി.

അരുണ സുരേന്ദ്രനഗർ സ്വദേശിനിയാണ്. അഞ്ജാറിലെ ഗംഗോത്രി സൊസൈറ്റി-2ൽ താമസിച്ചിരുന്ന അവർ, 2021-ൽ ഇൻസ്റ്റാഗ്രാമിലൂടെ മണിപ്പൂരിൽ ജോലി ചെയ്യുന്ന ദിലീപുമായി പരിചയപ്പെട്ടു. അന്നു മുതൽ ഇരുവരും ഒരുമിച്ച് താമസിച്ചു വരികയായിരുന്നു.

വെള്ളിയാഴ്ച വൈകിട്ട്, അരുണയുടെ വീട്ടിൽവെച്ച് ഇരുവർക്കുമിടയിൽ തർക്കമുണ്ടായി. കോപാകുലനായ ദിലീപ്, അരുണയെ ശ്വാസംമുട്ടിച്ച് കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു.

സംഭവത്തിൽ ഭാരതീയ ന്യായ സംഹിത (ബിഎൻഎസ്) പ്രകാരം കൊലപാതക കേസ് രജിസ്റ്റർ ചെയ്ത പൊലീസ്, അന്വേഷണം ആരംഭിച്ചു. ദിലീപിനെ കസ്റ്റഡിയിൽ എടുത്ത് വിശദമായ ചോദ്യം ചെയ്യൽ നടത്തിവരികയാണ്.

Gujarat’s Kutch district, CRPF jawan Dileep Dangchi (32) allegedly strangled his live-in partner, Assistant Sub-Inspector Aruna Nathubhai Jadav (38), to death after an argument at her residence in Anjar’s Gangotri Society-2 on Friday evening. The two, who met via Instagram in 2021, had been living together. Dileep surrendered at Anjar police station, where Aruna worked. A murder case has been registered under the Bharatiya Nyaya Sanhita, and investigations are ongoing.