അഹമ്മദാബാദ്: ഈസ്റ്റര്‍ ദിനത്തില്‍ കേരളത്തില്‍ ക്രിസ്ത്യന്‍ വീടുകളും ചര്‍ച്ചുകളും സന്ദര്‍ശിക്കുകയാണ് സംസ്ഥാനത്തെ ബി.ജെ.പി നേതാക്കളെങ്കില്‍, ബി.ജെ.പി ഭരണത്തിലുള്ള ഗുജറാത്തില്‍ ക്രിസ്ത്യാനികളുടെ പുണ്യദിനത്തില്‍ അതിക്രമം. അഹമ്മദാബാദിലെ ഒധാവില്‍ ഈസ്റ്റര്‍ ദിനത്തിലെ പ്രത്യേക പ്രാര്‍ത്ഥനയ്ക്കിടെ ക്രിസ്ത്യന്‍ പള്ളിയില്‍ തീവ്ര ഹിന്ദുത്വ സംഘടനകളായ വി.എച്ച്.പിയും ബജ്‌റംഗ്ദളും  അതിക്രമിച്ച് കടന്ന് ഭീകരാന്തരീക്ഷം സൃഷ്ടിച്ചു. ചര്‍ച്ചില്‍ കുട്ടികളും സ്ത്രീകളും അടക്കമുള്ളവര്‍ പ്രാര്‍ത്ഥന നടത്തുന്നതിനിടെ ജയ് ശ്രീറാം മുദ്രാവാക്യം വിളിച്ച് വിഎച്ച്പി, ബജ്രംഗ്ദള്‍ അംഗങ്ങള്‍ കത്തികളും വടികളുമായി പള്ളിയിലേക്ക് ഇരച്ചുകയറുകയായിരുന്നു. 

A church was attacked in Odhav, Ahmedabad during Easter Sunday prayer. VHP and Bajrang Dal members stormed the church with knives & sticks, threatening women and children while chanting Jai Shri Ram!

Wolves in sheep clothing: @GeorgekurianBjp, @TheSureshGopi, @RajeevRC_X and… pic.twitter.com/0saBLWbuIi

— Congress Kerala (@INCKerala) April 20, 2025

മതംമാറ്റം നടത്തുന്നുവെന്നാരോപിച്ചാണ് അക്രമിസംഘത്തിന്റെ നടപടി. അക്രമികള്‍ സ്ത്രീകളെയും കുട്ടികളെയും ഭീഷണിപ്പെടുത്തുകയുംചെയ്തു. സംഭവത്തിന്റെ വിഡിയോ സോഷ്യല്‍മീഡിയയില്‍ പ്രചരിക്കുന്നുണ്ട്.

സംഭവം ശ്രദ്ധയില്‍പ്പെട്ടതായും ഉടന്‍ ചര്‍ച്ചില്‍ എത്തിയിരുന്നതായും അഹമ്മദാബാദ് പൊലിസ് പറഞ്ഞു. അനിഷ്ഠ സംഭവങ്ങള്‍ ഉണ്ടായിട്ടില്ലെന്നും മതംമാറ്റ ശ്രമം ആരോപിച്ച് വി.എച്ച്.പി പ്രവര്‍ത്തകര്‍ പരാതി നല്‍കിയതായും പൊലിസ് അറിയിച്ചു.

ഈ മാസമാദ്യം മധ്യപ്രദേശിലെ ജബല്‍പൂരില്‍ ബസ് തടഞ്ഞുനിര്‍ത്തി ക്രിസ്ത്യാനികള്‍ക്ക് നേരെ വി.എച്ച്.പിയും ബജ്‌റംഗ്ദളും ആക്രമണമഴിച്ചുവിട്ടിരുന്നു. മാണ്ട്‌ല ജില്ലയില്‍ നിന്നുള്ള 50 ഓളം ക്രിസ്ത്യന്‍ ഗോത്രവര്‍ഗക്കാര്‍ സഞ്ചരിച്ച ബസ് നിര്‍ബന്ധിത മതപരിവര്‍ത്തന പ്രവര്‍ത്തനം ആരോപിച്ച് തടയുകയായിരുന്നു. ബസ് തടഞ്ഞശേഷം ഹിന്ദുത്വവാദികള്‍ ബസ്സിനുള്ളിലേക്ക് ഇരച്ചുകയറിയതോടെ ഡ്രൈവര്‍ ഓടിരക്ഷപ്പെട്ടു. പൊലിസെത്തി സ്റ്റേഷനിലേക്ക് കൊണ്ടുപോയ ബസ് മണിക്കൂറുകള്‍ക്ക് ശേഷമാണ് വിട്ടയച്ചത്. ബസ്സിലെ മുഴുവന്‍ യാത്രക്കാരുടെയും പേരും വിലാസവും മൊബൈല്‍ നമ്പറും രേഖപ്പെടുത്തുകയുംചെയ്തു.

ഭവര്‍താല്‍ ഗാര്‍ഡനിലെ ചര്‍ച്ചിലേക്ക് തീര്‍ത്ഥാടനത്തിന് പോകുന്നവരായിരുന്നു ബസ്സിലുണ്ടായിരുന്നത്. നിര്‍ബന്ധിത മതപരിവര്‍ത്തന ആരോപണം നിഷേധിച്ച ബസ് യാത്രക്കാര്‍, തങ്ങളുടെ പൂര്‍വികരും ക്രിസ്ത്യാനികളായിരുന്നുവെന്ന് ചൂണ്ടിക്കാട്ടി. 
സംഭവം അന്വേഷിക്കാനായി പൊലിസ് സ്റ്റേഷനിലെത്തിയ ജബല്‍പൂര്‍ രൂപതയുടെ വികാരി ജനറലും സെന്റ് പീറ്റര്‍ ആന്‍ഡ് പോള്‍ കത്തീഡ്രല്‍ പള്ളിയിലെ ഇടവക പുരോഹിതനുമായ ഡോ. ഫാ. ഡേവിസ് ജോര്‍ജ്ജിനെയും സംഘത്തെയും ഹിന്ദുത്വവാദികളായ ആള്‍ക്കൂട്ടം ക്രൂരമായി മര്‍ദിച്ചു. പൊലിസിന്റെ സാന്നിധ്യത്തിലായിരുന്നു മര്‍ദ്ദനം. 

In Ahmedabad Odha, during special prayers on Easter Day, extremist Hindutva organizations VHP and Bajrang Dal stormed a Christian church and created an atmosphere of terror. While people, including children and women, were praying in the church, members of VHP and Bajrang Dal stormed the church with knives and sticks, shouting slogans of Jai Shri Ram.