കൊച്ചി: കേരളത്തില്‍ സ്വര്‍ണവിലയില്‍ വന്‍ ഇടിവ്.  കഴിഞ്ഞ ദിവസം കുതിച്ചു കയറി മുക്കാല്‍ ലക്ഷം വരെ എത്തിയ സ്വര്‍ണ ഇന്ന് അതേവേഗതയില്‍ തിരിച്ചിറങ്ങിയിരിക്കുയാണ്. ഇന്ന് സ്വര്‍ണം വാങ്ങാന്‍ ഉദ്ദേശിക്കുന്നവര്‍ക്ക് വലിയ ആശ്വാസമാണിത്. വരുദിവസങ്ങളിലും ഇടിവിനുള്ള സാധ്യത തള്ളിക്കളയാനാവില്ലെന്നും നിരീക്ഷകര്‍ ചൂണ്ടിക്കാട്ടുന്നു. 

അന്തര്‍ദേശീയ വിപണിയിലും സ്വര്‍ണവില കുറഞ്ഞിട്ടുണ്ട്. ഡോളര്‍ സൂചിക ഉയരുകയും ചെയ്തിട്ടുണ്ട്. അതേസമയം, ഇന്ത്യന്‍ രൂപ കരുത്ത് കുറഞ്ഞിരിക്കുകയാണ്. എന്നാല്‍ ക്രൂഡ് ഓയില്‍ വില അല്‍പ്പം മെച്ചപ്പെടുന്നതായാണ് സൂചന. ഓഹരി വിപണികള്‍ ഇന്ന് ലാഭത്തിലാണ് തുടങ്ങിയത്.

കേരളത്തില്‍ ഇന്ന് 22 ഗ്രാമില്‍ ഒരു പവന്‍ സ്വര്‍ണത്തിന് 72120 രൂപയാണ് വില. 2200 രൂപയാണ് കുറഞ്ഞിരിക്കുന്നത്. ഗ്രാമിന് 275 രൂപ കുറഞ്ഞ് 9015 രൂപയിലെത്തി. ആഗോള വിപണിയില്‍ സ്വര്‍ണം ഔണ്‍സിന് 3340 ഡോളര്‍ ആയി കുറഞ്ഞു.

ഇന്നലെ വില കുത്തനെ വര്‍ധിച്ചതിന് പിന്നാലെ വിപണിയില്‍ വന്‍തോതില്‍ വിറ്റഴിക്കല്‍ നടന്നിരുന്നു. മാര്‍ക്കറ്റില്‍ ഇതുവരെ തൊടാത്ത റെക്കോര്‍ഡില്‍ സ്വര്‍ണ വില എത്തി എന്ന നിലക്കാണ് വിപണിയില്‍ വിറ്റഴിക്കല്‍ പൊടിപൊടിച്ചത്. ഇതോടെ വിപണിയില്‍ കൂടുതല്‍ സ്വര്‍ണമെത്തി. അതേസമയം, വവിലക്കയറ്റത്തില്‍ വാങ്ങല്‍ കുറയുകയും ചെയ്തു. ഇതാണ് വില വീണ്ടും കുത്തനെ താഴാന്‍ ഇടയാക്കിയതെന്നും റിപ്പോര്‍ട്ടുകള്‍ സൂചിപ്പിക്കുന്നു. ഈ ട്രെന്‍ഡ് തുടര്‍ന്നാല്‍ വരും ദിവസങ്ങളിലും സ്വര്‍ണവില കുറയുമെന്നും നിരീകഷകര്‍ ചൂണ്ടിക്കാട്ടുന്നു.

കൂടാതെ ട്രംപിന്റെ താരിഫ് യുദ്ധവും ഒന്നയഞ്ഞതായി റിപ്പോര്‍ട്ടുകള്‍ സൂചിപ്പിക്കുന്നു. ചൈന ഒഴികെയുള്ള രാജ്യങ്ങള്‍ക്കെതിരായ ചുങ്കം മയപ്പെടുത്തുമെന്നാണ് സൂചന.  പല രാജ്യങ്ങളും യു.എസുമായി ഇത് സംബന്ധിച്ച ചര്‍ച്ചകള്‍ക്ക് ശ്രമിക്കുകയാണ്. ഇതും സ്വര്‍ണവില കുറഞ്ഞതിന് ഒരുകാരണമായി ചൂണ്ടിക്കാട്ടുന്നു. 

ഇന്നത്തെ വിലവിവരം നോക്കാം

22കാരറ്റ്
ഒരു ഗ്രാം കുറഞ്ഞത് 275 രൂപ, ഗ്രാം വില 9,015

പവന്‍ കുറഞ്ഞത് 2200 രൂപ, പവന്‍ വില 72,120

24 കാരറ്റ്
ഒരു ഗ്രാം കുറഞ്ഞത് 300രൂപ, ഗ്രാം വില 9,835
പവന്‍ കുറഞ്ഞത് 2400 രൂപ, പവന്‍ വില 78,680

18 കാരറ്റ്
ഒരു ഗ്രാം കുറഞ്ഞത് 225 രൂപ, ഗ്രാം വില 7,376
പവന്‍ വര്‍ധന 1800 രൂപ, പവന്‍ വില 59,008